Ibandla le ZAPU elikhokhelwa nguMnu. Dumiso Dabengwa lithi selifuna impahla yalo eyathathwa libandla le ZANU-PF ngeminyaka yabo 1980s amabandla la esalwisana.
Isikhulumeli se ZAPU uMnu. Methuseli Moyo uthi inhlanganiso yakhe isidinge ingwalo ezifunakalayo eDeeds Office ezitshengisa mhlophe ukuthi impahla eyabanjwa yi ZANU-PF ngeye ZAPU.
Impahla injenge Magnet House esetshenziswa ngabacuphi belizwe abe Central Intelligence Organization (CIO), Ascot Farm, Nest Egg kanye leyinye esendaweni ezitshiyeneyo eZimbabwe.
UMoyo uthi ibandla le ZAPU ilakho ukuhambisa ele ZANU-PF emthethwandaba nxa lingabiselanga impahla le.
