amalinks wokungena

Breaking News

Sesize Savulwa Ngokwamukela Izigulane zeCovid-19 Isibhedlela seEkusileni


Medicine

Isibhedlela seEkusileni Medical Center size saqala ukusebenza ngoLwesibili ngokwamukela izigulane okwakuqala selokhu sasungulwa ngowayengumsekeli kaMongameli welizwe, uMnu Joshua Mqabuko Nkomo, ngomnyaka ka2001.

Savulwa okwesikhatshana ngo2002 kodwa saphanga savalwa ngemva kokuba kubonakale ukuthi imitshina eyayithengiwe yayingasebenzi kuhle.

Iminyaka yonke le besingasebenzi. Izigulane ezingene kulesisibhedlela ngoLwesibili ngeziphethwe ngumkhuhlane weCovid 19.

Iphephandaba elitholakala ebulenjini, eleCITE, lithi okwenze isibhedlela lesi sathola zonke indingeko luncedo oluqoqwe ngabenhlanganiso yeIam4ByoFighting Covid-19, bencediswa yizizalwane zeZimbabwe ezihlala eMelika phansi kwenhlanganiso yeFriends4Byo.

Isibhedlela lesi simele sibe lemibheda elikhulu lamatshumi amahlanu, kodwa okwakathesi silemibheda engamatsumi amahlanu kuphela.

Olwela amalungelo kazulu, uMnu Mbuzo Fuzwayo utshele iStudio 7 ukuthi alubana uzulu wakoBulawaya engasukumanga wazidingela uncedo, uhulumende ubengasoze enelise ukuthola zonke imfanelo zalesisibhedlela.

please wait

No media source currently available

0:00 0:02:48 0:00

Facebook Forum

XS
SM
MD
LG