amalinks wokungena

Breaking News

'Sibolile Isititshi seHwange Power Station'


Ikomidi yedale lephalamende ebona ngezamandla kagetsi ithi ubanzi umsebenzi omele wenziwe ukuze kuqedwe ukusilela kwamagetsi elizweni.

Amalunga alikomidi aveze lokhu ngemva kokwethekelela izititshi zamagetsi ezigoqela esakoBulawayo, eseHwange leseKariba ngoLwesine.

Elinye ilunga lalikomidi litshele lumsakazo ukuthi isititshi seHwange siboline njalo iziphathamandla zalinkampani kaziqhubi kuhle umsebenzi.

"Ukubola okuseHwange kuyethusa. Iziphathamandla kazenzi umsebenzi kuhle njalo ukuze ilizwe liqede udubo lwamagetsi, kuzathatha isikhathi eside," kuveze ilunga elingathandanga ukuqanjwa.

Ingcwethi kwezenotho uMnu Masimba Kuchera uvumelane lalumbono esithi okuhluphayo yikuthi abakhokheli bamankampani kahulumende banengi kabawazi umsebenzi.

"Akusimangalisi thina njengabantu beZimbabwe ngoba siyakwazi ukuthi uhulumende weZanu PF upha abantu izikhundla ekhangela ezombusazwe, hatshi ukuthi bayawazi na umsebenzi," kutsho uMnu Kuchera.

please wait

No media source currently available

0:00 0:02:14 0:00
Lapho esitholakala khona
XS
SM
MD
LG