amalinks wokungena

Breaking News

Sifisa Ukuthi Umnyaka Ozayo oka2021 Ubengcono, Kutsho Izakhamizi Zemaphandleni


Inengi lithi ukuqhamuka kweCoronavirus kulibuyisele emuva kakhulu kulandela ukuvalwa kwelizwe ngeLockdown, ngenhloso yokwenqabela ukumemetheka kwaleligcikwane, kudale ukuthi inengi lilahlekelwe zinhlelo zokuziphilisa.

Inengi lithi ukuqhamuka kweCoronavirus kulibuyisele emuva kakhulu kulandela ukuvalwa kwelizwe ngeLockdown, ngenhloso yokwenqabela ukumemetheka kwaleligcikwane, kudale ukuthi inengi lilahlekelwe zinhlelo zokuziphilisa.

UNkosikazi Sibongile Masuku isakhamuzi seNtepe eGwanda ophila ngokuthunga izikhwama ngamangqongqo uthi ufisa ukuthi igciwane leCoronavirus litshabalale ngomnyaka ozayo.

Amazwi akhe asekelwe nguNkosikazi Happy Mshado isakhamuzi seNsindi eGwanda North othi ufisa ukuthi abantwana ezikolo bafunde kungekho okubaphazamisayo njengalokho okwenzakale lonyaka.

Esinye njalo isakhamuzi seNsindi uNkosikazi Laycee Moyo uthi ufisa ukuthi izulu liqhubeke lisina ukuze balwisane lendlala.

UMnu. Mbereki Noko yena ukhalela ukuthi umnotho uthuthuke intengo zempahla zihambelane lenzuzo yabo.

UNkosikazi Opah Mabhena osuka eBhalula kuWard 14 eGwanda South uphila ngokuthengisa inkukhu kodwa laye ukhala ngentengo ehlala iqonga.

UMnu. Gabriel Luphondo isakhamuzi seMawane eGwanda South uthi uhulumende kufanele abophe ziqine ukuze babe lempilo engcono.

Uhulumende uthi inhlelo azisungulileyo, ezibalisa olweTransitional Stabilisation Programme-TSP zidale ukuhlaliseka komnotho wakuleli kanye lamandla edola lakuleli lapho liqathaniswa leleMelika.

Uthi njalo ukhangelele ukuthi umnotho wakuleli uthuthuke eminyakeni elandelayo ukuze kusiyafika umnyaka ka2030 uzulu abe esekhomba ngophakathi kulandela ukusungulwa kohlelo lokuthuthukisa umnotho wakuleli olweNational Development Strategy NDS1.

please wait
Embed

No media source currently available

0:00 0:03:58 0:00


Facebook Forum

XS
SM
MD
LG