amalinks wokungena

Breaking News

Silengxoxo loMnu. Sibusiso Moyo, Umphathintambo Ngohambo Lwabo eMelika Lokunye


UMnu. Sibusiso Moyo.

Umphathintambo kahulumende obona ngobudlelwano lamanye amazwe uMnu. Sibusiso Moyo okhonapha eMelika uthi iqula alikhokhelayo liyaphumelela kunjongo yabo yokuhuga osomabhizimusi bakwamanye amazwe ukuthi bayewasungula ekhaya.

UMoyo ukhokhela iqula leziphathamandla zikahulumende ezigoqela umphathintambo wezemali uMnu. Patrick Chinamasa kanye losibakhulu webhanga elikhulu lelizwe eleReserve Bank, uMnu. John Mangudya labanye.

UMoyo uthi uhulumende kamongameli Mnangagwa usethuthukise umnotho welizwe, lanxa kungathatha isikhathi eside ukuthi kube sobala, njengoba kwasokonakele kakhulu.

Wengeze esithi uzasuka lamuhla elubhekise emhlanganweni we Commonwealth kwele Bhilitane, lapho eleZimbabwe elinxuswe khona. Uthi uthemba uzathola ithuba lokuhlangana leziphathamandla zikahulumende weMelika eWashington DC, kanyelezizalwane zeZimbabwe engakasuki.

Kungxoxo loSithandekile Mhlanga weStudio 7, uMnu. Moyo uchasisa okunengi ngohambo lwakhe, kanye lokwenzakala ekhaya kwezomnotho, lembiko yokuthi kubonakala amasotsha ezigabeni zonke zelizwe ngaphambilini kokhetho.

“Abantu be America, particularly eNew York basiphathe kahle sibili. Bathabile ukuthi sibuyile sizobatshela ngomumo owenzkala eZimbabwe,” kutsho uMoyo.

please wait

No media source currently available

0:00 0:05:51 0:00

Facebook Forum

XS
SM
MD
LG