amalinks wokungena

Breaking News

Bekithemba Ndlovu: Sesimelele iCaps United Ngamehlo Abomvu


Bekithemba Ndlovu

Imidlalo yenguqu eyesigaba se Castle Lager Premier Soccer League ingena kuviki eyesibili kulimpela viki kulomdlalo okhangelelwe ngabanengi ophakathi kweqembu leHighlanders lele CAPS United ngeSonto.

Umsekeli kamqeqesthi weqembu leHighlanders uBekithemba Ndlovu uthi ukhangelele ukuba iqembu leBosso liphumelele ngoba amalungiselelo alo ehambe kuhle kakhulu.

“Amalungiselelo ethu ahambe kuhle kakhulu njalo abadlali bethu bebetshengisa ukuba lentshukuntshu eyokufuna ukuba yingxenye yeqembu elizadibana lele CAPS United ngeSonto.

“Yinto enhle kakhulu kithi njengabaqeqetshi ukuba labadlali abancintisana ukudlala ngoba kutsho ukuba labo abakhethiweyo ukuba badlale bazasebenza gadalala. Nxa ngikhangela indlela abafana abazimisele ngayo ngizizwa ngilethemba elokuba sizathola impumela enhle kakhulu ngeSonto.”

Iqembu leHighlanders libe ngutshiki lobhanqa 1 ka 1 lele Black Rhinos emdlalweni walo wakuqala owesizini yalonyaka kuthi ele CAPS United lona litshaye ele Manica Diamonds nge 2 ka nya.

Imidlalo yeviki lesibili izaqala kusasa ngoMgqibelo lapho iqembu leBulawayo Chiefs elizemukela khona ele NetOne enkundleni yeLuveve kuthi ele Ngezi Platinum Stars lizadlala lele Mushowani Stars enkundleni ye Baobab, iqembu leZPC Kariba lizemukela ele Herentals ngase Nyamhunga, ele Yadah likhangelelwe ukudlala lele Chicken Inn enkundleni yase Rufaro Stadium loba nje kulembiko ethi leliqembu selingatshabalala njengoba umnikazi walo uWalter Magaya kuthiwa akasafuni ukuqhubekela phambili elisekela ngemali kodwa usezabe ephathisa amaqembu amela isizwe kuphela.

Komunye umdlalo wangoMgqibelo iqembu leFC Platinum okuyilo intshantshu zanyakenye lizangqikilana leqembu leTriangle United ngase Mandava.

Kweminye imidlalo yangeSonto iqembu le Manica Diamonds lizadibana lele Harare City emdlalweni ozadlalelwa enkundleni yeGibbo ngoba inkundla yeSakubva okuyilo ikhaya leManica Diamonds ingapasiswanga ukuba kudlalelwe kuyo, iqembu leDynamos lizadlala lele Hwange enkundleni yeRufaro kuthi iqembu le Chapungu lizadlala lele Black Rhinos enkundleni yase Mandava.

Iqembu le Chapungu okuyilo elihlezi phezu kwengalane ngemva kokubhaxabula ele Bulawayo Chiefs nge 5 ka nya ngosuku lwakuqala olwemidlalo lalo lidlalela edolobheni lase Zvishavane ngoba inkundla yalo eye Ascot layo ingapasiswanga ukuba kudlalelwe kuyo imidlalo yePremier Soccer League.

Lizanqoba Na Iqembu leBosso
please wait

No media source currently available

0:00 0:02:04 0:00

Facebook Forum

XS
SM
MD
LG