Uhulumende ulakho ukuvumelana lebhanga elizimele lodwa kunsukwana ezilandelayo ukuthi lelibhanga lithenge amashares kahulumende akubhanga le Agricultural Bank of Zimbabwe (Agribank).
Abazi ngokwenzakalayo bathi uhulumende ukhulumisana lamabhanga anjenge Almagamated Bank of South Africa, Botswana Cooperative Bank, Standard Charttered Bank kanye lelinye elingani liyafihlwa nguhulumende.
Bathi uhulumende ulakho ukuthengisela ibhanga leli amashares angaba yisilinganiso sokungamatshumi ayisithupha ekhulwini.
Ukuthengiswa kwalelibhanga kulakho ukwenziwa ngendlela okwathengiswa ngayo inkampani ye Zimbabwe Iron and Steel Company eyathengiselwa iEssar Africa Holdings yakwelaMandiya.
Ingcwethi kwezenotho uMnu. Bekithemba Mhlanga uthi nxa ibhanga leli lingathengiswa, iAgribank ilakho ukudinga imali emazweni yokuboleka abalimi eZimbabwe.
