Inhloko kahulumende uMnu. Morgan Tsvangirai uthi azikho emthethweni iziqondiso zomthetho weIndigenization ezisanda kwethulwa lugatsha lwezokuthuthukisa inotho kazulu ezithi lezikolo sokumele zithathwe ngabantu makhaza.
UTsvangirai uthi uhulumende kazange anike imvumo uMnu. Saviour Kasukuwere umphathintambo wezokuthuthukisa inotho kazulu ukuthi ayethule iziqondiso lezi ezephula njalo isisekelo sombuso welizwe.
Uqhubeke uTsvangirai ethi iziqondiso lezi zilakho ukwethusa osomabhizimusi bemazweni abalamankampani eZimbabwe lalabo abafuna ukuvula amafekithali.
Uthe isisekelo sombuso welizwe eZimbabwe kasivumeli ukuthi abantu bathathe ngodlame izikolo lamabhizimusi abanikazi.
Iziqondiso zomthetho lo ezethulwe ngoLwesihlanu olwedluleyo zithi sokumele amabhanga, izikolo lamankampani akumabhizimusi ezimota, ezokwethekelelana lezembiko abele uzulu amashares ayisilinganiso sokungamatshumi amahlanu lanye ekhulwini – 51%.
Lokhu kukhangelelwe ukuthi kwenziwe kusiyafika kuNtulikazi ngomnyaka ozaya.
Abanye abanikazi bezikolo, abamele osomabhizimusi emhlanganweni loMnu. David Colart umphathintambo wezemfundo bathi okweziwe nguKasukuwere akukho emthethweni.
UColtart uthe akasoze avume ukuthi ugatsha lokuthuthukisa inotho kazulu luthathe izikolo zabanikazi.
Umnu. Paul Ngwenya owayengumphathi wesikolo uthi kuyamangalisa okwenziwa nguKasukuwere.
