Ibandla lokholo lwesiChristu ele Brethren-In-Christ Church likhangelelwe ukuqhuba umhlangano ngoMqgibelo leziphathamandla zikahulumende owokuzama ukuhlenga abantu makhaza abadubekayo ngokubatshengisa indlela ezitshiyeneyo zokuvula amabhizimusi.
Umfundisi Hloniphani Ndlovu utshele iStudio 7 ukuthi umhlangano lo uzangenwa ngamadoda asonta eBrethren-In-Christ Church labanye abafisayo abahlala koBulawayo.
Iziphathamandla zikahulumende ezizabe zisemhlanganweni lo ngumphathintambo wezokuthuthukisa inotho kazulu uMnu. Saviour Kasukuwere, umphathintambo wezokuvula amabhizimusi kwele Zimbabwe uMnu. Tapiwa Mashakada loMnu. Welshman Ncube umphathintambo wezamafekithali.
Abanye njalo abakhangelelwe ukuya emhlanganweni lo nguMnu. Dumisani Nkomo umqondisi we Habarkuk Trust leziphathamandla zedolobho lakoBulawayo.
Umnu. Ndlovu uthe izinqumo ezizathathwa zizasetshenziswa zimuli ukuzithuthukisa lokuphendla indlela yokungena kunhlelo ezitshiyeneyo zikahulumende.
