amalinks wokungena

Breaking News

Sokumele Uhulumende Athathe Izikwelede Zonke ze Air Zimbabwe - Goche


Umnu. Nicholas Goche ongumphathintambo wezokuthwala okutshiyeneyo lokuthuthukisa imigwaqo uthi idale le cabinet selivumelene ukuthi uhulumende sokumele athethe isikwelede senkampani ye Air Zimbabwe esiyizigidi ezilikhulu lamatshumi amane amadollar eMelika ukwenzela ukuyivuselela.

Kubikwa ukuthi idale leli livumelane njalo ukuthi sokumele kudingwe inkampani elemali ezasebenzelana le Air Zimbabwe njengoba siyehlulekile ukusebenza izimele yodwa.

Umnu. Goche uthi uhulumende uzadinga inkampani efanele ukusebenzelana le Air Zimbabwe esidilizwe yizikwelede, izisebenzi ezihlala zikhalala umsebenzi kanye lokuswelakala kwabaqondisi abakhaliphileyo.

Ingcwethi kwezenotho uMnu. Daniel Ndlela uthi kuyabukeka lokhu okwenziwa lidale leli loba nje uhulumende kumele engangeneli ekukhethweni kwenkampani ezadlelana le Air Zimbabwe.

XS
SM
MD
LG