amalinks wokungena

Breaking News

Sokusobala Ukuthi uMwonzora Udla leZanu PF, Kutsho iMDC Alliance


Amazwi omholi weMDC-T uMnu Douglas Mwonzora awokuthi ibandla lakhe lizasebenza lohulumende ngenjongo yokuthuthukisa ilizwe asetshiye abanye besithi lobu yibufakazi okungaphikwayo obuveza ukuthi ibandla likaMwonzora selisidla leZanu PF.

UMwonzora wethule amazwi la eVictoria Falls ngoLwesithathu ngemva kokuphiwa ithuba nguMongameli Emmerson Mnangagwa lokuthi avale umkhosi wokusungula ihlandla lesibili lokuhlatshwa kwabantu ijekiseni yeCovid-19.

Abebandla leMDC Alliance elikhokhelwa nguMnu Nelson Chamisa bathi sokuzikhanyela ukuthi akula mahluko phakathi kukaMwonzora loMnangagwa.

Kunsukwana ezedluleyo uMwonzora ubikwa etshele amalunga ephalamende akubandla lakhe ukuthi akusamelanga achothoze uMnangagwa kumbe ukumbiza ngamagama amabi.

Ilunga leMDC Alliance uMnu Edwin Ndlovu utshele iStudio 7 ukuthi sobubunengi ubufakazi obukhomba mgceke ukuthi uMwonzora LoMnangagwa badla bonke.

please wait

No media source currently available

0:00 0:02:33 0:00

Kodwa isikhulumeli seMDC-T uMnu Witness Dube ukulandule lokhu.

please wait

No media source currently available

0:00 0:02:24 0:00

Ibandla leZanu PF lona liyakulandula lalo ukuthi lisebenza leMDC-T.

Facebook Forum

XS
SM
MD
LG