Kubhubhe umfana oleminyaka elitshumi lantathu esibhedlela se Mpilo koBulawayo ngenxa yomkhuhlane wesihudo ngoLwesihlanu, ngemva kokunatha amanzi abikwa engcolile elokitshini leLuveve. Omunye oleminyaka elitshumi lasithupha-16, utshone ngoLwesithathu ngesizathu esifanayo.
Lokhu kuvezwe nguDokotela Xolani Ndlovu, osaphethe isikhundla somqondisi wesibhedlela seMpilo Hospital koBulawayo, kugatsha lwezempilakahle.
UDokotela Ndlovu uthi sebelaphe abantu abangamatshumi amabili lambili kulesi isibhedlela kusukela ngoMgqibelo mhlaka six kuyonela inyanga, begula umkhuhlane ofanayo njalo bevela emalokitshini eLuveve leLobhengula.
Ikhansili yakoBulawayo yathi isaluhlolisisa loludaba.
Udokotela Ndlovu uchasisa okunengi ngaloludaba