amalinks wokungena

Breaking News

Kuqhubekela Phambili Ukuxokozela Kubandla leZanu PF


Umongameli Robert Mugabe

UNkosikazi Grace Mugabe uqhubeke ebangela ukuxokozela kubandla leZanu PF ngempelasonto emhlanangweni owenziwe edolobheni leChinhoyi esigabeni seMashonaland West.

UMugabe uthe umphathintambo wezemfundo yaphezulu, uProfessor Jonathan Moyo, owetheswa icala lokutshaphaza imali yesikhwama seZimbabwe Manpower Development Fund, kalacala.

Uphinde wathi unobhlala webandla le Zanu PF obona ngokuqoqwa kwenhlelo zebandla, uMnu. Savior Kasukuwere, laye kalacala aletheswayo elokufuna ukumsusa esikhundleni.

UKasukuwere uphose waxotshwa ebandleni leli ngamalunga ebandla ayemethesa icala lokubumba amakhomidi eZanu PF ngasese.

Emhlanganweni lo, obulenkulungwane lenkulungwane zabantu, uNkosikazi Mugabe usukumise isikhulumeli sikamongameli, uMnu. George Charamba wamlaya okuyangisayo emtshela ukuthi kalale loba engumntwana wakhe.

Konke lokhu kusenzakala uMongameli Mugabe utshengiswe ngabomabonakude ezitshayela obukabhuha.

Esethula amazwi akhe, uMongameli Mugabe, oseleminyaka engamatshumi ayithoba munwe munye lantathu, uthe usaqinile njalo kayindawo. Ugcizelele esithi kulabo abafuna esuke esikhundleni kabakhohlwe.

Sixoxe lelunga ledale le Central Committee ye Zanu PF, uMnu. Tshinga Dube, omela isigaba seMakokoba edale lephalamende, owake wathwaliswa nzima ngamalunga ebandla lapho aze athi uMongameli Mugabe kakhethe ozathatha isikhundla sakhe.

“Abantu balembono eyehlukeneyo,” kutsho uDube. “Abanye bengakubona ngenye indlela lami ngikubone ngenye indlela.”

please wait

No media source currently available

0:00 0:01:24 0:00

Sokusiba sobala ukuba abakugatsha lwezomvikela abasasekeli uMongameli Robert Mugabe kudaba lozamelama.

Lokhu sekutshiye abanye abathi kungaqhamuka ukulwisana okwesabeka phakathi kwabakubutho kungaqhubeka kungela sisombululo kudaba lolu.

Sixoxe lengcwethi ecubungula ezombusazwe, uMnu. George Mkhwananzi ngaloludaba.

“Okwenzakala kubandla le Zanu PF kuyadanisa njalo kutshaqisa igazi ngoba abantu bonke bayakubona ukuthi uMugabe useluphele akasabone okwenzkala kunxa zonke."

please wait

No media source currently available

0:00 0:02:39 0:00

Facebook Forum

XS
SM
MD
LG