amalinks wokungena

Sokuzavulwa Isithitshi Samandla Kagetsi eCowdray Park


UNkosazana Prisca Utete

Inkampani yamandla kagetsi eye Zimbabwe Electricity Transmission and Distribution Company (ZETDC) ithi izakwakha isithitshi sokugcinela ugetsi koBulawayo emzini weCowdry Park kusiya phela umnyaka ka2017 ukuze izakhamizi zelokitshi lelo lezindlu eziligqagqeleyo zithole amandla kagetsi.

UNkosazana Prisca Utete, obona ngobudlelwano bale inkampani kahulumende eyeZETDC, ugcizelele okukhulunywe ngumqondisi wenkampani yakhe, uManjinela uJulian Chinembiri, othe sebeqalisile amalungiselelo okwakha isithitshi seCowdry Park.

Uthe injongo yabo yikuthi umuntu wonke athole amandla kagetsi lezinye izakhiwo ezigqagqele ilokitshi leCowdry Park.

Iziphathamandla zikahulumende weZimbabwe lezakwele China.
Iziphathamandla zikahulumende weZimbabwe lezakwele China.

UNkosazana Utete utsho lamazwi ngoLwesithathu kuvulwa okusemthethweni umhlangano wamankampani agaya amandla kagesti emazweni angezansi yeAfrica jikelele oweSouthern Africa Power Pool (SAPP) oqale izolo koBulawayo uphela kusasa.

Umphathintambo wezamandla kagetsi, uDokotela Samuel Undenge, uthe kuyajabulisa ukubona amankampani ezansi yezwekazi leAfrica ehlangana ekhulumisana evumelana ngokutholisa uzulu amandla kagesti okufanayo njalo ngentengo ephansi nona amandla kagesti esilela.

Facebook Forum

XS
SM
MD
LG