amalinks wokungena

Breaking News

Sokwanele Umnyaka iWHO Ihlele iCovid-19 Njengesifo Sembhubhiso


Tedros Gebreyesus
Tedros Gebreyesus

Namuhla kwanela umnyaka iWorld Health Organization ihlele iCovid-19 njengesifo esiyingozi kakhulu emhlabeni jikelele (global pandemic) sokufe abantu abangu-117 million emhlabeni njalo wabulala abangu-2,6 million.

Umkhuhlane lo uqhamuke kweleChina wasabalala ngomhlaba wadala umonakalo omangalisayo.

EZimbabwe usubulele abantu abayinkulungwane elamakhulu phose amahlanu, 1,489, njalo wahlasela inkulungwane ezingamatshumi phose amane, 36,341.

Izolo kubanjwe abangamatshumi amabili belomkhuhlane lo njalo akekho ofileyo.

Inani labahlaselwa yi-coronavirus elizweni kulezinsuku selehlile kanti lohlelo lokuhlaba izisebenzi ezihamba phambili ijekiseni yokuvikela lumkhuhlane luya phambili.

Kodwa inhlanganiso emela odokotela eyeZimbabwe Association of Doctors for Human Rights ithi balutshwana kakhulu abavuma ukuhlatshwa ngoba selokhe luqale kumaviki phose amathathu adluleyo loluhlelo, sokuhlatshwe abantu abazinkulungwane ezedlula amatshumi amathathu lanhlanu, 35 901, kuphela.

Umkhokheli walinhlanganiso uDokotela Norman Matara uthi kunengi okungahanjiswanga kuhle phambilini kohlelo lolu okufana lokuhlomisa abantu ngemfundiso yejekiseni esetshenziswayo okwamanje eyeSinopharm, yona elungiswe kweleChina.

Eqathanisa lokwenzakala kwamanye amazwe, uMatara uphe umzekeliso welizwe lakweleRwanda lona athi lihlabe abantu abazinkulungwane ezingamakhulu amabili, 200,000, phakathi kwamalanga amane kuphela.

Isikhulumeli senhlanganiso yeZimbabwe Christian Alliance, uMfundisi Useni Sibanda utshele lumsakazo ukuthi uhulumende kumele aphe abantu imfundiso eneleyo ngalijekiseni.

please wait

No media source currently available

0:00 0:02:55 0:00

XS
SM
MD
LG