amalinks wokungena

Breaking News

South Africa: Uhlelo Lwama Special Permits Luzaqhubekela Phambili


Abake batshengisela kwele South Africa bekhonona ngokuhlaselwa yizizalwane seSouth Africa.

Idale labaphathintambo elakwele South Africa selivumelane ukuthi uhlelo lwamaphepha okuhlala lokusebenza okusemthethweni kwezizalwane zeZimbabwe ezise South Africa luzaqhubekela phambili ngoMpalakazi lapho amaphepha la azaphela khona umsebenzi.

Izizalwane zeZimbabwe ezifika inkulungwane ezingamakhulu amabili ezaphiwa amaphepha la besezidlela evalweni ukuba nxa umnyaka uphela zizazithola zingela maphepha okusebenza okusemthethweni.

Lokhu lembiko yezinye iziphithamandla zikahulumende weSouth Africa esola abokuza besekusenza ikusasa yabalamaphepha la ibe buvilibana.

Umphathintambo wendaba zekhaya kwele South Africa, uNkosikazi Hlengiwe Mkhize, utshele intathelizindaba ukuthi kuzafakwa imigoqo kwabafuna ukuwathola lamaphepha.

Sixoxe lesinye isizalwane seZimbabwe esihlala eSouth Africa, uMnu. Cassius Jayz Simana Mpofu, otshengisele ukujabula ngolokhu okuvezwe nguhulumende weSouth Africa.

"Lezi zindaba ezimnandi ngoba abantu abanengi bebengasazi ukuthi benze njani ngoba be runner amabusiness, abanye balemali emabhanga abanye njalo ngabasesikolo," kutsho uMpofu.

please wait

No media source currently available

0:00 0:01:45 0:00

Facebook Forum

XS
SM
MD
LG