amalinks wokungena

Breaking News

Ibhasi YeHighlanders Ebilindelwe Ngabomvu Isilubhekise KoBulawayo Africa


Ndumiso Gumede

Umsekeli kamongameli uMnu. Emmerson Mnangagwa ukhangelelwe ukwethula libhasi kodwa isiphathamandla seBosso uNdumiso Gumede uthi lokhu akulani lezombusazwe.

Iqembu lenguqu eleHighlanders lithi ibhasi elindelwe ngamehlo abomvu eyathengwa yileliqembu lincediswa nguMnu. Tshinga Dube, ozancintisa kukhetho lokudinga ozamela iMakokoba edale lephalamende, engowebandla leZANU PF, isilubhekise koBulawayo ivela eJohannesburg kwele South Africa, njalo idlule ePolokwane lamuhla ntambama.

Umsekeli kamongameli uMnu. Emmerson Mnangagwa ukhangelelwe ukwethulela iHighlanders libhasi enkundleni ye Barboufields Stadium ngoMgqibelo ngelanga uMnu. Dube elomhlangano wokukhansakela ukhetho enkundleni yeWhite City.

Isiphathamandla seHighlanders uMnu. Ndumiso Gumede utshele uSithandekile Mhlanga weStudio 7 ukuthi isehlakalo lesi asilani lezombusazwe njalo ibandla lakhe liyajabula ngoba aliseyikukhokha imali enengi lidinga amabhasi okuhambisa.

please wait
Embed

No media source currently available

0:00 0:02:28 0:00
Lapho esitholakala khona

XS
SM
MD
LG