amalinks wokungena

Breaking News

Iqembu LeBulawayo City Linqoba eleShabanie Mine 2-0


Castle Lager Premier Soccer League

Uhle waqala ngokunqoba umqeqetshi omutsha oweqembu le Bulawayo City uAmini Soma – Phiri njalo abahlohlele iqembu leli ngabathi uSipho Ndlovu kanye lo Toto Banda.

Iqembu lomdlalo wenguqu ele Bulawayo City linqobe ele Shabanie Mine nge 2 ka nya emdlalweni oqhutshelwe enkundleni ye Barbourfields ngoMgqibelo emini.

Uhle waqala ngokunqoba umqeqetshi omutsha oweqembu le Bulawayo City uAmini Soma – Phiri njalo abahlohlele iqembu leli ngabathi uSipho Ndlovu kanye lo Toto Banda. Limpumela ikhuphule inani lemiklomelo elilayo laya kumiklomelo elitshumi ikanti likhuphuke lasengalaneni yemiklomelo laya endaweni yetshumi lanye.

USoma – Phiri utshayele ihlombe abafana bakhe ngokunqoba abakwenzileyo.

“Bengingakukhangelelanga ukuthi singadlala ngendlela esidlale ngayo njalo angilawo amanengi phezu komdlalo wanamhlanje ngaphandle kokuthi abafana badlale kuhle.

Okusemqoka okwamanje ngumdlalo wethu olandelayo esizawudlala leqembu leNgezi,” kugcizelela uSoma Phiri.

Kweminye imidlalo edlalwe ngoMgqibelo iqembu le Yadah libe ngutshiki lobhanqa 0 ka 0 leqembu le Highlanders emdlalweni oqhutshelwe enkundleni ye National Sports Stadium, iqembu le FC Platinum libe ngutshiki lobhanqa 0 ka 0 lele Triangle ngase Mandava, iqembu le ZPC Kariba libe ngutshiki lobhanqa 1 ka 1 lele Mutare City Rovers ngase Nyamhunga kuthi ele Harare City litshaye ele Nuchrut nge 1 ka nya emdlalweni obusenkundleni yeRufaro.

Imidlalo yeviki letshumi lanye kusigaba seCastle Lager Premier Soccer League iyaqhubekela phambili ngeSonto njalo amaqembu azadlala ngokulandelayo.

Iqembu le CAPS United lizangqikilana lele Ngezi Platinum enkundleni ye National Sports Stadium, iqembu le Chapungu lizemukela ele Chicken Inn ngase Ascot, iqembu le Black Rhinos lizadlala lele Herentals ngase Rufaro kuthi iqembu le Bulawayo Chiefs lizemukela iqembu le Dynamos ngase Barbourfields.

please wait

No media source currently available

0:00 0:01:37 0:00

Facebook Forum

XS
SM
MD
LG