amalinks wokungena

Breaking News

Talen Vision: Sesisungule Inhlelo Ezingasilethela Inzuzo


Talen Vision

Isiphathamandla seqembu leTalen Vision uMkhululi Mthunzi uthi iqembu leli lilenhlelo ezimbalwa ezokudinga imali njalo isifiso sabo ngesokuba iqembu libe lendlela yalo eyokuthola imali eyokusebenzisa ukubhadala indleko ezitshiyeneyo.

“Sithe ngemva kokuba sesithole imali obekumele siyisebenzise lonyaka ekubhadaleni indleko ezitshiyeneyo saqala amabhizimusi agoqela eyokutshaya izitina, eyabomanjinela kanye leyokwebolekisa imali. Injongo yethu ngeyokuthi iTalen Vision njengeqembu lebhola lizimele lodwa lingagxili kakhulu kwabasiphathisa ngosekelo lwemali abe Trukumb Mining.”

UMthunzi uqhubekele phambili wathi ensukwini ezilandelayo bazaqala eyinye njalo ibhizimusi eyesigayo esokugayisa impuphu.

Lawa mankampani aqhatsha abadlali beqembu le Talen Vision asebethethe umhlala phansi kumbe abangasayenelisi ukudlala ngenxa yezizatho ezitshiyeneyo.

Uqhubekele phambili uMthunzi wathi amaphupho abo makhulu njalo nxa izinto zingahamba kuhle bafisa lokwakha inkundla yabo endaweni yeEsigodini.

“Silendawo esayithengayo Esigodini lapho esikhangelele ukwakha khona inkundla enkulu eyakulezinsuku. Nxa kuhambe kuhle yikho lapho iqembu lethu elizadlala khona ndawonye lamanye amaqembu akwelakithi. Nxa kuphumelele lokhu sizakuba ngelinye lamaqembu amakhulu kuzwekazi lase Africa."

Iqembu le Talen Vision lileqembu elidlala kusigaba se Zifa Southern Region Division One njalo nyakenye kusele kancane ukuba liphakamise isicoco kube yilo elithola ilungelo elokuyadlala kusigaba se Premier Soccer League.

Balelinye njalo iqembu elizadlala kusigaba se Zifa Central Region Division One Soccer League baphinde njalo babe lamaqembu abasakhulayo adlala ku Zifa Bulawayo Province Junior League.

Facebook Forum

XS
SM
MD
LG