amalinks wokungena

Breaking News

Thabitha Khumalo: Sengigula Ngemva Kokuvalelwa Esitokisini Ngingelamaphilisi eAsthma


Thabitha Khumalo

Omunye weziphathamandla zebandla leMDC uNkosazana Thabitha Khumalo obotshwe ngoMgqibelo odluleyo wakhululwa ngesibambiso se bail ngoMvulo ubikwa egula ngoba engenelisanga ukunatha amaphilisi esifo aphila laso ese asthma esesitokisini.

Omunye weziphathamandla zebandla leMDC uNkosazana Thabitha Khumalo obotshwe ngoMgqibelo odluleyo wakhululwa ngesibambiso se bail ngoMvulo ubikwa egula ngoba engenelisanga ukunatha amaphilisi esifo aphila laso ese asthma esesitokisini.

UNkosazana Khumalo wabotshwa lamanye amalunga ebandla lakhe abalisa uNkosazana Helen Zivira, Tendai Masotsha, Elliot Mujeri, Tinashe Matimbura, Meliqiniso Sithole lo Shelton Tembo.

Bakhululwe ngesibambiso se bail njalo bakhangelelwe ukumiswa phambi komthethwandaba ekuqaleni kwenyanga ezayo.

UNkosazana Masotsha, ongumgcinisihlalo wogatsha lwabesifazana kuMDC koBulawayo, uthi amapholisa athi kufanele amaphilisi kaNkosazana Khumalo edlule ezandleni zabo, okwabethusayo kwabangela ukuthi uNkosazana Khumalo engawaphuzi.

Uthi ingubo ababezembatha zazilothuli, igazi, njalo zinuka kukanti isitokisi leso asifanelanga ukuhlala abantu ngenxa yengcekeza lokuswelakala kwamanzi lokudla.

UNkosazana Khumalo ugcizelele isimo akuso kulumsakazo.

Lokhu kwenzakala amapholisa esevimbe ukutshengisela kweMDC emadolobheni eHarare, Bulawayo, Gweru, leMasvingo ngezizathu ezitshiyeneyo

Ibandla leMDC lithi amanye amalunga alelibandla ayathunjwa njalo ayahlukuluzwa ngamapholisa, ikakhulu edolobheni lakoBulawayo ngodaba lokutshengisela.

Asenelisanga ukukhuluma lamapholisa ngaloludaba.

please wait

No media source currently available

0:00 0:02:06 0:00

Facebook Forum

XS
SM
MD
LG