UNkosazana Thokozani Khupe usegcotshwe ukuba lilunga ledale lephalamende labanye bakhe abalitshumi lantathu kulandela ukuxotshiswa kwalabo ababesekela ibandla leMDC Alliance elikhokhelwa nguMnu. Nelson Chamisa.
UMaKhupe ugcotshwe yikhomishini yeZimbabwe Electoral Commission ukuba luiunga ledale leHouse of Assembly loYvonne Musarurwa, Moyo Lindani, Sawuke January, Munochinzwa Memory, Sibanda Lwazi kanye loMokone Sipho.
Abangene kudale leSenate nguDorothy Molly Ndhlovu, Pugeni Khaliphani, Tamani Moyo, Getrude Moyo, Piniel Denga, Chief Ndlovu, Nomakanga Khumalo loTeti Chisorochengwe.
UMaKhupe uthi uzimisele ukulwela amalungelo kazulu lezikhalazo zabantu bonke kwele Zimbabwe.
Ukungena kwabo kulandela okwethulwa lidale leSupreme Court elathi uChamisa akumelanga kube nguye okhokhela iMDC. UMaKhupe wasebenzisa isinqumo lesi esexotshisa amalunga edale lephalamende asekela uChamisa.
Kodwa uChamisa labanye bakhe batshaya phansi ngenduku besithi uMaKhupe angeke wanqoba kukhetho olungenziwa elizweni lonke jikelele ezimele.
UChamisa wayala ukuvuma ukuthi wanqotshwa nguMongameli Emmerson Mnangagwa kukhetho olwenziwa ngomnyaka ka2018.