amalinks wokungena

Breaking News

Khupe: Kufanele Ngibe nguActing President weMDC Kusalungiselelwa iExtraordinary Congress


Thokozani Khupe
Thokozani Khupe

Umkhokheli weMDC-T uNkosazana Thokozani Khuphe uthi nguye osekufanele abengumkhokheli webandla leMDC okwesikhatshana u-Acting President, besalindele ukuya emhlanganweni omkhulu owe extra-ordinary congress yokukhetha umkhokheli walelibandla kulandela isinqumo somthethwandaba.

Umthethwandaba ophezulu usanda ukunquma ukuthi uMnu. Nelson Chamisa kasomkhokheli oqotho webandla leMDC ngoba engakhethwanga ngemfanelo kulandela ukubhubha kowayekhokhela lelibandla uMnu. Morgan Tsvangirai.

UNkosazana Khuphe uthi useqalisile ukukhulumisana lebandla leMDC elikhokhelwa nguMnu. Nelson Chamisa kanye lawo wonke amabandla aphatheke kuloludaba ukwenzela ukuthi kulandelwe isinqumo somthethwandaba.

Uthi kufanele kubuyelwe emuva kube nguye omemezela umhlangano we extra-ordinary congress, kuthi abebekhona kucongress yalelibandla ngomnyaka ka2014 ama delegates, kube yiwo akhetha umkhokheli oqotho.

please wait

No media source currently available

0:00 0:03:11 0:00

Kodwa isikhulumeli sikaMnu. Chamisa, uMnu. Nkululeko Sibanda uthi kuyabamangalisa okukhulunywa nguNkosazana Khupe ngoba ukhokhela elakhe ibandla leMDC-T elaqhuba owalo umhlangano wecongress.

please wait

No media source currently available

0:00 0:03:11 0:00

XS
SM
MD
LG