amalinks wokungena

Breaking News

UThulani 'Biya' Ncube Uphathisa Abasakhulayo Kumdlalo Wenguqu


Iqembu leHighlanders Football Club.

U ‘Biya’ uthi ikusasa yomdlalo wenguqu kwele Zimbabwe izakuba lengqubelaphambili nxa kungavuselelwa inhlelo zabasakhulayo.

Owayengukaputeni weqembu le Highlanders ndawonye leqembu lesizwe elama Warriors uThulani ‘Biya’ Ncube uthi ikusasa yomdlalo wenguqu kwele Zimbabwe izakuba lengqubelaphambili nxa kungavuselelwa inhlelo zabasakhulayo.

UBiya osehlala elizweni lase United States of America ukwele Zimbabwe kulezinsuku ukuzoqhuba inhlelo zeqembu lakhe elabasakhulayo ele Biya and Friends Academy lona elisungulwe ngomnyaka ka 2015 njalo elidlala kusigaba se Bulawayo Province Junior League Series A.

Sekuleminyaka embalwa lumdlali leqembu lakhe beqhuba umncintiswano wabasakhulayo owe Biya and Friends Tournament wona ophathisa amaqembu aphatheka kuwo ngempahla zokusebenzisa nxa bedlala ibhola.

Umfoka Ncube uthi abasakhulayo bengaphathiseka ukuba ngabadlali bezinga laphezulu nxa bethola usekelo olufana lalolu.

‘Khathesi silezicathulo zokukhahlela ibhola - yebo kungabe kukuncane kodwa kuyancedisa abafana. Thina sithe sikhula izikhabiso size sazithola sesithe hluthu kodwa khathesi sizama ukuba bahle beqale ukudlala begqokile enyaweni besasengo khijana - sibona angani kungabanceda,’ uyagcizelela.

UBiya ukhokhele iqembu le Highlanders ngesikhathi litshaya eziwayo liphakamisa isicoco iminyaka ilandelana njalo uthi ukuphumelela kweqembu le Bosso kwakungenxa yokuba abadlali balo abanengi babekhule bedlala bonke njalo baphiwa ithuba besasebancane.

‘Mina ngokubona kwami ukuba lenhlelo zabasakhulayo kuqakathekile ngoba thina sisadlala abadlali abanengi engadlala labo ngangikhule ngidlala labo kumaqembu abasakhulayo yikho ke ngibona ukuba yikho okwasincedayo,’’ kutsho uBiya.

Umqeqetshi owapha uBiya labanye abadlali abagoqela uSiza Khoza, uGift Lunga Junior, uBekithemba Ndlovu kanye labanye ithuba lokudlala kuqembu le Highlanders nguMadinda Ndlovu okunguye njalo okubikwa ukuba uzathatha isikhundla esitshiywe ngumqeqetshi oyisizalwane selizwe le Holland uErol Akbay ngomnyaka ozayo.

UBiya uthi ukuqhatsha uMadinda kungalisebenzela iqembu le Highlanders.

‘Okuqakathekileyo yikuba athole usekelo lwenkokheli zeqembu njalo nxa lokhu kungenzakala ukuqhatsha uMadinda kuyabe kuyinto enhle ngoba uzahlanganisa abafana abasakhulayo labadlali asebelesikhathi eside bedlala encede iqembu le Highlanders.’

Kwele Melika uBiya usebenzisana lenhlanganiso ye Make Your Own Ball Day okuyiyo ephathise ekudingeni impahla zokudlalisa ibhola kuqembu lakhe ele Biya and Friends kanye lalezo eziphiwa amaqembu aphatheka kumncintiswano we Biya and Friends Football Tournament.

UJoseph Njanji Uyalandisa
please wait

No media source currently available

0:00 0:02:07 0:00

Facebook Forum

XS
SM
MD
LG