amalinks wokungena

Breaking News

Abalimi: Kufanele iRBZ Yenelise Ukusibhadala Sokuvulwe Umsika Wegwayi


UNkosazana Nomhle Mliswa
UNkosazana Nomhle Mliswa

Ibhanga leRBZ lithi abalimi bazabhadalwa i300 dollars ngelanga, bengaletha ubufakazi bokuthi sebethengise igwayi elinganani, kuthi eseleyo ithunyelwe emabhanga abo.

Abalimi begwayi sebekhuthaze ibhanga elikhulu lelizwe eleReserve Bank of Zimbabwe (RBZ) ukuthi libe lemali eneleyo lapho kuvulwa umsika wegwayi ngeviki ezayo ukwenzela ukuthi umsebenzi wabo uqhubeke kuhle.

UNkosazana Nomhle Mliswa, owande ukulima igwayi, uthi kuqakathekile ukuxhaswa ngemali ngoba abalimi balendleko ezinengi okufanele bezibhadale, ikakhulu besanda ukuthengisa isilimo sabo.

La ngamazwi agcizelelwe yingcwethi kwezokulima uMnu. Mandla Nkomo. UMnu. Nkomo uthi uhulumende engekela ukuxhasa abalimi, balutshwana abazalima igwayi njengalokho okwenzakala kusilimo sotshinda.

UNkosazana Mliswa uthi uthemba ukuthi uhulumende kamongameli Mnangagwa uzaletha inguquko kundlela asebenza ngayo labalimi, ukwenzela ukuthi igwayi lilethele ilizwe inzuzo njengeminyakeni edluleyo.

Uhulumende usanda ukuthi ibhanga leRBZ lizancedisa abalimi ngemali efika kuzigidi eziyisikhombisa zamadola -$70 million lonyaka, isuka kuzigidi ezingamatshumi phose amathathu - $28 million ngomnyaka odluleyo.

Ibhanga leli lithi abalimi bazabhadalwa imali engamadola angamakhulu amathathu - $300 ngelanga, bengaletha ubufakazi bokuthi sebethengise igwayi elinganani, kuthi eseleyo ithunyelwe emabhanga abo.

USithandekile Mhlanga Usethulela Loludaba
please wait

No media source currently available

0:00 0:03:13 0:00

XS
SM
MD
LG