amalinks wokungena

Breaking News

Tsvangirai: Sisakhulumisana Ngabazebona Ngokhetho

  • Ntungamili Nkomo

Inhloko kahulumende uMnu Morgan Tsvangirai uthi sevumelene loMongameli Mugabe ukuthi kudilizwe ikomidi ekhangelane lokunxusa abazebona ngokhetho ngoba amalunga ayo amanengi esekela ibandla elilodwa.

UTsvangirai uthi amalunga e-Accreditation Committee azakhethwa kakutsha kufakwe amalunga amabandla wonke akuhulumende womanyano. Okwamanje ikomidi le igcwele amalunga ebandla leZanu PF.

Ekhuluma lentathelizindaba ngoLwesibili, uTsvangirai uthe njalo amazwi kamphathintambo obona ngobudlelwano beZimbabwe lamanye amazwe awokuthi abavela kuEuropean Union leMelika kabasoze banxuswe ukuzebona ngokhetho, kayiqondanga, esithi kusakhulunyiswana ngalolu daba.

Ukhulume njalo ngembiko yokuthi iZimbabwe Electoral Commission yalise ezinye inhlanganiso ezizimeleyo ukubona ngokuqhutshwa kokhetho lwe-referendum esithi uvumelene loMugabe ukuthi zonke inhlanganiso ezisebenzela elizweni kumele zivunyelwe.

Wazise njalo ukuthi uNkosikazi Rita Makarau sekhethwe ukuba ngumgcinisihlalo weZEC opheleleyo. UMakarau ubekhethwe ukuthi ebambe intambo nje okwesikhatshana.

Ingcwethi kwezombusazwe uDr. Nkululeko Sibanda uthi kuyadanisa ukuthi entweni ezinengi ezenziwa nguhulumende sokumele kufakwe amalunga ngokuthi ngawaliphi ibandla.

IZEC ithe inhlanganiso ezibotshelwe ukuthi zicatshangelwe ukuthi zinika uzulu ama radio eshortwave njalo zisebenza lozulu okungekho emthethweni, akumelanga ziphiwe imvumo yokukhangela indlela okuzaqhusthwa ngayo ukhetho lwe referendum.

Umnu. Thabani Nyoni umqondisi we Bulawayo Agenda njalo oyisikhulumeli se Crisis in Zimbabwe Coalition uthe akuqondanga okwenziwa yi ZEC.

please wait

No media source currently available

0:00 0:02:17 0:00
Lapho esitholakala khona

Unkosikazi Ortilia Ncube we Gwanda eMatabeleland South uthi abantu abanengi kukhanya bazasivotela isisekelo esitsha sombuso welizwe.
please wait

No media source currently available

0:00 0:02:02 0:00
Lapho esitholakala khona


Kodwa-ke uMnu. Nkosilathi Nkomo osebenzela eVictoria Falls uyakhonona ngokwenzakalayo ngokhetho lwe referendum.
please wait

No media source currently available

0:00 0:02:09 0:00
Lapho esitholakala khona
XS
SM
MD
LG