amalinks wokungena

Breaking News

Akusocala Ukuthi UMnu. Tsvangirai Uyelatshwa: MDC-T


Morgan Tsvangirai
Morgan Tsvangirai

Ibandla le MDC-T lithi kuyadanisa ukuthi kulabantu abathi umkhokheli walo adedele abanye ubukhokheli ngoba eselatshwa njalo esehlale isikhathi eside engumkhokheli walelibandla.

Ibandla le MDC-T lithi kuyadanisa ukuthi kulabantu abathi umkhokheli walo uMnu. Morgan Tsvangirai adedele abanye ubukhokheli ngoba eselatshwa njalo esehlale isikhathi eside engumkhokheli walelibandla.

Umsekeli wesikhulumeli salelibandla uNkosazana Thabitha Khumalo uthi akusocala ukuthi uMnu. Tsvangiria uyagula ngoba inengi labantu liphila lesifo esithile.

Wengezelele wathi nxa kuyikuthi wonke umuntu ogulayo kufanele atshiye umsebenzi, akusoze kube lezisebenzi elizweni, njalo inxeba lendoda alihlekwa.

UNkosazana Khumalo uthe akufanelanga abantu bethuswe yikuzaca kukaMnu. Tsvangirai ngoba lokhu kubangelwa yikuthi uyelatshwa. “Akulamuntu owangena esibhedlela eweya (isikali) 100kgs aphume eseweya 200kgs,” kutsho uMaKhumalo egcizelela amazwi akhe.

Uphinde wathi kusobala ukuthi uMnu. Tsvangirai uyalulama njalo sikhuluma nje, nguye okhokhela iMDC-T ngobuqotho.

Kungxoxo esiyiqhube loMaKhumalo, uqala ngokulandula ukuthi ibandla lakhe alikhankaseli ukhetho ngokuqinileyo, esithi uhlelo olumqoka okwamanje ngelokubhalisela ukuvota.

Ingxoxo LoNkosazana Thabitha Khumalo
please wait

No media source currently available

0:00 0:03:17 0:00

XS
SM
MD
LG