WASHINGTON —
Umnumzana Morgan Tsvangirayi owayeyinhloko kahulumende womanyano utsho lamazwi embikweni wakhe wokugqiba umnyaka, emhlanganweni lentathelizindaba emahofisini akhe e Harvest House e Harare ngoLwesihlanu. Ubeke uhulumende weZanu Pf umlandu wokungazi ukuba kuthiweni ukuziqeda indubo ilizwe elibhekane lazo kundaba zokuthuthukiswa komnotho.
UTsvangirayi uthi udubo yikuba uhulumende okhona akakhethwanga ngabantu njalo engelalo icebo lokuba uzakwenza njani ukuziqeda innkinga ezibhekane lelizwe kundaba zomnotho athi kulakho ukubangela ukubuyela muva komumo wezinto ubuyele kusibanga lapho kade ukiso ngomnyaka ka 2008 uhulumende womanyano engakabi khona ikakhulu nxa izulu lingasananga kuhle.
Uveze uTsvangirayi ukuba waphatheka kukhetho luka 31Ntulikazi ngoba kuyiyona ndlela kuphela yokuphikisa ibandla le Zanu PF lanxa ibandla lakhe belisazi mhlophe ukuba belungayikuqhutshwa ngendlela.
Uqhubeke ethi kunengi obekusenzakala kuloludaba lokuqilibezela kwabebandla le Zanu Pf ngoba befuna ukuthola amandla ngayo yonke indlela kukhetho luka Ntulikazi ngaphandle kokusetshenziswa kwenkampani ye NIKUV kuveze uTsvangirayi.
Uthi abebandla lakhe yikhona bezakhulumisana lenkokheli ezibalisa ezenhlanganiso ezinjenge African Union kanye leye SADC emizameni yabo yokuqondiswa kokhetho ukuze luqhutshwe ngendlela angene uhulumende uqobo oqakathekisa izifiso zikazulu.
Abebandla lakhe uthi kabayikubuyela emuva kuzinqumo ezenziwa ngesikhathi ibunjwa i-MDC ukuletha uhulumende wentando kazulu elizweni.
Uthi bona kabalani lokukhulunywa ngabe Zanu PF ukuba banqobe kulolukhetho ngoba lokhe besehluleka ukuzigcwalisa izithembiso elizenze kuzulu ngesikhathi likhankasela lolukhetho.
Ukuhlaziya loludaba, uSithandekile Mhlanga weStudio 7 uxoxe loMnu. Bekezela Maduma, ingcwethi ecubungula ezombusazwe.
UMaduma uthi kufanele ibandla le MDC lizilungiselele ikusasa yalo lingazihluphi kakhulu ngokwenzakale emuva.
UTsvangirayi uthi udubo yikuba uhulumende okhona akakhethwanga ngabantu njalo engelalo icebo lokuba uzakwenza njani ukuziqeda innkinga ezibhekane lelizwe kundaba zomnotho athi kulakho ukubangela ukubuyela muva komumo wezinto ubuyele kusibanga lapho kade ukiso ngomnyaka ka 2008 uhulumende womanyano engakabi khona ikakhulu nxa izulu lingasananga kuhle.
Uveze uTsvangirayi ukuba waphatheka kukhetho luka 31Ntulikazi ngoba kuyiyona ndlela kuphela yokuphikisa ibandla le Zanu PF lanxa ibandla lakhe belisazi mhlophe ukuba belungayikuqhutshwa ngendlela.
Uqhubeke ethi kunengi obekusenzakala kuloludaba lokuqilibezela kwabebandla le Zanu Pf ngoba befuna ukuthola amandla ngayo yonke indlela kukhetho luka Ntulikazi ngaphandle kokusetshenziswa kwenkampani ye NIKUV kuveze uTsvangirayi.
Uthi abebandla lakhe yikhona bezakhulumisana lenkokheli ezibalisa ezenhlanganiso ezinjenge African Union kanye leye SADC emizameni yabo yokuqondiswa kokhetho ukuze luqhutshwe ngendlela angene uhulumende uqobo oqakathekisa izifiso zikazulu.
Abebandla lakhe uthi kabayikubuyela emuva kuzinqumo ezenziwa ngesikhathi ibunjwa i-MDC ukuletha uhulumende wentando kazulu elizweni.
Uthi bona kabalani lokukhulunywa ngabe Zanu PF ukuba banqobe kulolukhetho ngoba lokhe besehluleka ukuzigcwalisa izithembiso elizenze kuzulu ngesikhathi likhankasela lolukhetho.
Ukuhlaziya loludaba, uSithandekile Mhlanga weStudio 7 uxoxe loMnu. Bekezela Maduma, ingcwethi ecubungula ezombusazwe.
UMaduma uthi kufanele ibandla le MDC lizilungiselele ikusasa yalo lingazihluphi kakhulu ngokwenzakale emuva.