Igqwetha elikhulu likahulumende weMelika (Attorney General) elakhethwa nguMongameli Donald Trump, uMnu Bill Barr uthi akulabufakazi bokuthi uTrump waqilibezelwa kukhetho olusanda kwedlula.
UTrump wala ukwamukela ukunqotshwa kwakhe nguMnu Joe Biden esithi waqilwa libandla likaBiden elamaDemocrats.
Kodwa uMnu Barr utshele intathelizindaba izolo ukuthi akulabukazi osobutholwe lugatsha lwezemithetho (Justice Department).
Amagqwetha kaMongameli Trump ethule umbiko esola amazwi kaBarr esithi ugatsha lwakhe aluzange lubudinge ubufakazi oluthi kabukho.
Lanxa uTrump esala ukuvuma ukuthi wanqotshwa, uBiden uzafungiswa mhlaka 20 ngoZibandlela angene esikhundleni sikaMongameli.
Isizalwane seZimbabwe esihlala eMelika njalo ecubungula ezombusazwe uMnu Tim Muringai utshele iStudio 7 ukuthiamazwi kaBarr amqotho ngoba laye kakukholwa ukuthi kwaba lokudlelezela.
