amalinks wokungena

Breaking News

U-Chiwenga Ubikwa Egijinyiselwe eChina Ukuyakwelatshwa


URetired General Constantino Chiwenga. ( (S. Mhofu/VOA)

Umsekeli kamongameli welizwe, uMnu. Constantino Chiwenga ubikwa egijinyiselwe kweleChina ukuyakwelatshwa ngesikhathi umkakhe uNkosazana Mary Mubayiwa, aphakathi kokwehlukana laye, esehluleka ukuphuma phandle kwelizwe ukuyakwelatshwa njengoba umthethwandaba wamthathela ugwalo lokuhambisa olwepasipoti ngemva kokuba ebotshiswe nguye.

Iphephandaba lebulenjini eleZimLive libika ukuba uChiwenga usiwe kweleChina ukuyakwelatshwa lanxanje obona ngokwethulwa kwemibiko ehofisini kamongameli uMnu. George Charamba etshele iphephandaba linye ukuba uChiwenga akayanga kwelatshwa kodwa uphume elizweni ngomsebenzi kodwa akachazanga ukuba lowo msebenzi ngowani njalo kuliphi ilizwe. Imizamo yokuxhumana loCharamba yehlule njengoba ubengadobhi ucingo lwakhe.

Ingcwethi ezicubungula ezombusazwe elizweni ziyalisola inyathelo elingabe lithethwe nguChiwenga ukuyakwelatshwa kweleChina zisithi nxa kuliqiniso lihlazo njengoba kunguye owathi akula siphathamandla sikahulumende esizaya kwelatshwa phandle kwelizwe.

Umbiko wokuphuma elizweni kukaChiwenga kutshiye abanengi bebambe owangaphansi ngesihluku imithethwandaba ephatha ngayo umkakhe uMary Mubaiwa, asekuhlukaneni laye isala lepasipoti yakhe ukuze laye aphume elizweni aye kwelatshwa. U- Mubaiwa ucele idale ukuthi limbisele ipasipoti yakhe ukuze ayekwelatshwa kwele South Africa. Igqwetha lakhe uNkosikazi Beatrice Mtetwa uthi bazaphindela edale kusasa ngesicelo sepasipoti abasenze ngeviki edluleyo lapho uMubaiwa aze emthethwandaba ethwele ngestretcher bed elezilonda enyaweni lasezandleni eziveza ubuhlungu abhekane labo.

Kunjalo nje, umthethwandaba waphezulu oweHigh Court namhlanje uphe isinqumo sokuthi uMeya weHarare, umnumzana Jacob Mafume, aphiwe imvumo yokuhlawula isibambiso seBail ukuze athonisiswe evela emzini wakhe ecaleni aletheswayo lenkohlakalo enzakala kukhansili yeHarare.

Umnumzana Jacob Mafume, uMeya weHarare (C Mavhunga/VOA)
Umnumzana Jacob Mafume, uMeya weHarare (C Mavhunga/VOA)

UMahluli Benjamin Chikowero uthe umthethwandaba kaMantshi waphosisa ngokuncitsha uMafume ithuba lokuthi ahlawule isibambiso seBail. UChikowero uthi uMafume kumele aphathwe njengomuntu ongela cala kuzekuphunyiswe ubufakazi obupheleleyo bokumfumana elecala. Wanquma ukuba uMafume ahlawule inkulungwane ezingamatshumi amathathu zamadola eZimbabawe, anikeze umthethwandaba ipasipoti yakhe, ahlale kukheli ayibhalisileyo edale kanye lokuyazibika maviki wonke ngoLwesihlanu emapholiseni awohlangothi olwe Special Anti Corruption Unit.

Abebandla lakhe eleMDC Alliance, bathi njengebandla abajabuliswa yikube lokhe bebotshwa amakhansila laboMeya baleli bandla. Manengi amalunga aleli bandla asethe abotshwa kusikhatshana esifitshane esedluleyo, esetheswa icala lenkohlakalo, agoqela yena uMafume, uMeya weChitungwiza, uMnu Lovemore Maiko, owake waba nguMeya we Harare uMnu. Herbert Gomba labanye.

Abacubungula ezombusazwe bathi lanxa uMongameli Emmerson Mnangagwa ehlala eqonqosela ukuthi uhulumende wakhe uzabopha bonke abaphatheka emkhubeni omubi wenkohlakalo, kukhanya kubotshwa abamabandla aphikisayo okwenza basuke bacabange ukuba yikuxhasana ngezombusazwe ngoba zizinengi iziphathamandla zikahulumende lazo eziphatheke kunkohlakalo kodwa zingabotshwa, lalapho zibotshiwe ziyaphanga zikhululwe kumbe icala lankona liphelele emoyeni.

Udaba lokuyakwelatshwa kweleChina kukaChiwenga siluphiwa nguMavis Gama
please wait

No media source currently available

0:00 0:03:42 0:00

Facebook Forum

XS
SM
MD
LG