amalinks wokungena

Breaking News

'Kumele uMnangangwa Alungise Ukubandlululana eZimbabwe'


UMnu. Patrick Chinamasa loMnu. Simbarashe Mumbengegwi

Uzulu uthi uMongameli welizwe uMnu. Emmerson Dambudzo Mnangagwa kufuze asebenzise iCongress yebandla lakhe leZANU PF eqala ngoLwesihlanu ukuqeda izenzo zebandla lakhe ezokubongana ngokunikezana indawo kuhulumende kulokunikeza abazi umsebenzi lo.

Banengi abantu abacabanga ukuthi uMnangagwa unike abantu izikhundla ngokubabonga ukuthi bamncedisa ukuthi asuse uMugabe esikhundleni.

Izakhamuzi seHarare, uMnu. Wellington Mukanhaire uthe abanye abasanda kubongwa nguMnangagwa nguMajor General Sibusiso Moyo, ophethe isikhundla somphathintambo obona ngokudlelana lamanye amazwe loAir Marshal Perrance Shiri ophethe uhlangothi lwezokulima.

UGeneral Constantino Chiwenga labanye abasemhlanganweni weZanu PF Extra Ordinary Congress osanda kuphela.
UGeneral Constantino Chiwenga labanye abasemhlanganweni weZanu PF Extra Ordinary Congress osanda kuphela.

Ingcwethi kwezombusazwe, uMnu. Richard Runyararo Mahomva, uthe kufuze umhlangano weCongress lo ubeyisikhathi sokuthi abebekucele lebandla leGeneration 40 lele Team Lacoste eyeyisekela uMnangagwa bakhumisane umlotha.

UNkosikazi Sithandazile Moyo yena uthe ukususwa kukaMnu. Robert Mugabe esikhundleni kwatshiya ibandla leZANU PF lisesimengi esihle ngoba wayeselethethe walenza elakhe.

Uthe uMnu. Mnangagwa, okhanya engafuni ukuthi kusetshenziswe butshapha imali, sokumele asebenze gadalala ukwenzela ukuthi akudlaliswa imali yelizwe ukwenza inhlelo ezingela ncedo.

Banengi abantu abakhangelele ukuthi umhlangano lo uzaphuma lani okuzanceda uzulu.

Facebook Forum

XS
SM
MD
LG