amalinks wokungena

Breaking News

AbeZimbabwe AbaseSouth Africa Bathi Ubelukhuni u2015


Edolobheni leJohannesburg
Edolobheni leJohannesburg

Inengi lezizalwane zeZimbabwe kweleSouth Africa zithi u2015 ubengumnyaka onzima kakhulu kubangelwa yikungakhuli kwezomnotho kweleSouth Africa lokwehla kwamandla eRand nxa liqathaniswa ledollar.

Loba kunjalo abeZimbabwe laba bathi kunengi abakutholileyo kulobu bunzima abazakusebenzisa ukulwisana lendubo abangahlangana lazo ku2016.

Inengi lezizalwane zeZimbabwe bafanisa u2015 njengohambo obeludinga ukuthi umuntu akhwele emaqaqeni lezintabeni. Bathi isimo sezomnotho eSouth Africa laseZimbabwe yiso ebesibathwalise amagabha avuzayo.

Umnumnzana Jonathan Mbedzi odabuka eBeitbridge uthi kwabanengi u2015 uphele bengomatshayinyoka njengoba imisebenzi bekungamehlo entwala.

Esinye isizalwane seZimbabwe umnumnzana Herod Nyoni, uthi umnyaka uze waphela besebenzela ukudla lemali yomthelo wezindlu.Umnunzana Mbedzi uthi okunye okubabuyisele emuva yikuphela amandla kwerandi nxa sebefika ekhaya okuyinto athi yenze amandla abo aphelela amoyeni.

Lobanje obekukubi kube kunengi kulokuhle, abanye bathi kukhona okulutshwana okubathokozisileyo.

Imbongi lomlobi weZimbabwe uBongani Ncube uthi bona njengabaculi, abalingisi lezimbongi bathokoziswe yindlela abathole ngayo unxaso ebantwini.

Umgcinisihlalo weZimbabwe Community in South Africa umnumnzana Ngqabutho Mabhena uthi okumthokozisileyo ngo 2015 yikuphiwa kwezizalwane zeZimbabwe amaphepha okuhlala kwele South Africa.

Njengobanje u2015 esephelile bathi kunengi abakukhangelele ku2016 njalo lobanje sekubonakala ukuthi lawo uzakuba ngumnyaka onzima.

UNyoni uthi nxa ecabanga ngo 2016 ufikelwa lusizi ekhumbula inhlekelele ezabangelwa yindlala ka El Nino evele isissidla amahabulo.

UMabhena yena uthi afuna kuphele nya ngo2016 ngumkhuba wenye intsha yeZimbabwe esiphila ngobugebenga osebusaziwa izwe lonke.

UNcube yenake njengembongi ehwatshe idlalade lenkondlo u War of Peace odume ndawo zonke ezihlala amaZimbabwe uthi ku2016 kukhulu akuhlelele abalandeli bakhe. Uthi okwakhathesi njengoba isimo silokhu sisiba sibi eZimbabwe bazaqhubeka bebhace ezizweni kunzima kunjalo.

please wait

No media source currently available

0:00 0:06:55 0:00
Lapho esitholakala khona

XS
SM
MD
LG