amalinks wokungena

Breaking News

Ubotshelwa Ukuthi uMugabe Seluphele


Kulomsekeli weMDC-T obotshiweyo eChinhoyi ngoLwesihlanu ngemva kokuthi uMongameli Mugabe seluphele yikho ekhubeke waphosa watshayeka phansi ekweleIndia.

UMnu Tendai Musonza ubikwa ethule amazwi la kumsekeli webandla leZanu PF yena ohle wagijimela emapholiseni.

Amagqwetha akhe athi uzalala esitokisini njalo ulakho ukumiswa phambi komthethwandaba ngoMgqibelo.

UMugabe uphose wawa ngesikhathi ezama ukuqansa okuyisiteji okuncane ukuyabingelela umkhokheli weleIndia uMnu Modi khonale khonale kweleIndia ngoLwesine.

Uncedwe nguMnu Modi lamanye amadoda amabili ambambileyo. UMugabe uke wawa kunyanga ezedluleyo esegcekeni lendizamtshina eHarare International Airport evele kweleEthiopia.

Kulandela isehlakalo sangoLwesihlanu, ibandla leMDC-T lethule umbiko lisithi uMugabe seluphele, ngakho sokumele atshiye isikhundla.

Umsekeli wesikhulumeli salelibandla uNkosazana Thabitha Khumalo utshele iStudio 7 ukuthi sokuyisikhathi sokuthi uMugabe atshiye intambo zombuso.

"Izalukazi lamaxhegu esizaziyo thina zihlezi ezindlini zidlala labazukulku. Lokhu olwakhe okokuthi utshona ebhodabhoda ilizwe lisitsha akulunganga," kuchaze uNkosikazi Khumalo.

Kodwa ummeli wePelandaba Mpopoma edale lephalamende njalo elilunga leZanu PF uMnu Joseph Tshuma uthe uMugabe uqine saka njalo kumele eqhubeke esembusweni.

"Okwakuqala mina ngilijaha elingakafikisi iminyaka engu40, ngike ngakhubeka ngawa. Ngalokho umbuzo wami ngothi lami sokumele ngitshiye umsebenzi na ngoba ngawa?" kubuze utshuma.

XS
SM
MD
LG