amalinks wokungena

UCde Chinx Akangcwatshwanga eNational Heroes Acre

  • Chris Gande

Cde Chinx

Okhulume emele uMongameli Robert Mugabe lohulumende nguNkosikazi Mirriam Chikukwa umphathintambo obona ngokwenzakala eHarare. UChikukwa uncome imisebenzi kamuyi esithi wasebenza gadalala ukuthi ilizwe likhululwe.

Obemele abalwa inkululeko, uMnu. Victor Matemadanda uthe kungenani lokuthi uChinx uncitshwe inhlonipho yeqhawe lesizwe imisebenzi yakhe iyazikhulumela yodwa ukuthi ubeliqhawe elinjani.

UMnumzana Zenzele Ndebele oyingcwethi ecubungula ezombusazwe uhlaziye loludaba esithi ukhethwa kwamaqhawe sekumele kube lendlela ebalulekileyo.

UNdebele uphinde wathi akalalo ulwazi lokuthi abantu babecabanga ukuthi uCde Chinx uzangcwabwa eHeroes acre ngenxa yokuthi kungathi enengi labantu abangcwabwe khona bangabalandeli abe bandla eleZANU-PF.

Umcwabo kaCde Chinx
Umcwabo kaCde Chinx

“Mina angazi ukuthi abantu nxa bade becabanga ukuthi uCde Chinx uzaba iHero babesebenzisa criteria bani, generally iHeroes acre ngeyeZANU-PF, bayafaka umuntu ababona ngani uyihero khona ngale.”

UNdebele unikezile izibonelo esetshenzisa uNkosikazi Sabhina Mugabe lo Mnumzana Boarder Gezi, ababekwa khona eHeroes Acre kodwa bengahambanga empini, esithi yikho lokho okutshengisa uzulu ukuthi kumele ube ngemuntu othakazelelwa ngabammeli abebandla eleZANU-PF ukuthi bakubeke khona.

I think amaZimbabweans azammele ahlale azibuze ukuthi kuqakathekile yini ukuthi umuntu nxa efile kuthiwe uyiHero kumbe akasi hero. How does that contribute ukuthi umnotho oweZimbabwe uhambe phambili? Nxa kuyikuthi abantu babona ngani kuqakathekile ukuthi kulabantu abakumele besebe ngamaqhawe esizwe sebemmele bebhale phantsi ukuthi kuyini iqhawe lesizwe,” kusho uNdebele, lapho echasisa ukukhethwa okuqondileyo kwalabo abamele baphiwe inhlonipho yeqhawe lesizwe ngabe ibandla leZANU-PF alikho embusweni.

Facebook Forum

XS
SM
MD
LG