amalinks wokungena

Breaking News

UChamisa loMudzuri Bakhumisana Umlotha Kodwa Ukufuthelana Lokhu Kukhona


UMnu Elias Mudzuri ngomunye wabasekeli bakamuyi uMorrgan Tsvangirai.

Abasekeli bakamongameli kubandla le MDC-T uMnu. Nelson Chamisa loMnu. Elias Mudzuri bathi sebekhumisane umlotha lanxa ukufuthelana lokhu kusobala.

Lokhu kwenzakale ngoLwesihlanu imuli yako Tsvangirai ihlangane leziphathamandla zikahulumende ezifuna ukwazi indingekho zokubeka umuyi.

Bezigcwele usizi ingoma ebezihlatshelwa nguzulu obezokhalela abakoTsvangirayi emzini wakhe e Highlands, eHarare obekufakazwa layingoma ebezihlatshelwa.

Bekusobala ukuba kulokufuthelana pakhathi kwenkokheli ecatshangelwa ukuba ibangisana isikundla sokuba ngosaphethe isikhundla sikamongameli, uChamisa lo Mudzuri ngesikhathi bekhulumisana lentathelizindaba emzini kamuyi e Highlands.

UMnu. Chamisa uthi ayikho inkinga njengalokho okwethulwa ngabanye abantu.

Lokhu kusekelwe nguMnu. Mudzuri lanxa bekubonakala ukuba ubengajabulanga.

Isikhulumeli somdeni kaTsvangirai, uMnu. Manase Tsvangirai yena uthi abangakho yikuba umngcwabo wesihlobo sabo uhambe kahle njalo sebelindele impendulo evelela kuhulumende ngemva kokungena umhlangano wokubonisana phezu kosizo olunganikezwa ngesikhathi uzulu ebuthene emzini womnewabo.

Bekulequla lebandla elibusayo ele Zanu PF, ababalisa usomlomo webandla uMnu. Simon Khaya Moyo, umgcinisihlalo uNkosikazi Oppah Muchinguri Kashiri kanye lobone ngenhlelo zenhlolo zokuvezela ibandla leli elikumumetheyo, uLietenant General Engelbert Rugeje.

Ukuya emfeni kwamalunga eZanu PF, kwamukelwe ngabelinye lamabandla akumanyano we MDC Alliance, ele MDC elikhokhelwa ngusikhwicamfundo u Welshman Ncube.

Kusenjalo, abenhlanganiso yeUnited Citizens Alliance banxuse uzulu wonke ukuba aze emkhosini wokuthandazela umuyi uTsvangirai ozokwenzelwa emagcekeni awe Africa Unity Square ngemva kokuthola imvumo kumdeni kaTsvangirai.

Abako Tsvangirai baveze njalo ukuba omunye wabasekeli bakamongameli, uNkosazana Thokozani Khuphe, uzafika lesidumbu sikamuyi ngoMgqibelo.

please wait

No media source currently available

0:00 0:03:54 0:00

Facebook Forum

XS
SM
MD
LG