amalinks wokungena

Breaking News

Ingcwethi Kwezemithetho Lezombusazwe Zithi Udlakela kuMDC-T Alumangalisi


MDC-T

Udubo olukhona kwele Zimbabwe ingcwethi ezicubungula ezombusazwe lezemithetho zithi ngumkhuba omubi wokusebenzisa udlakela ukulungisisa lapho abantu sebesehlukana ngombono, oselwayekelwa lwakhula emabandleni amanengi ezombusazwe njalo luvele lukhona lasebandleni elikhulu eliphikisayo ele MDC – T osekudinga inkokheli uqobo ukulwisana lokuwuqeda lumkhuba.

Umnumzana Abraham Mateta, igqwetha elisebenzela e Harare, utshele lumsakazo ukuba ukuqeda umkhuba wodlakela elizweni, yiyo ingqobe ayinikeza inkokheli kungakhathalekile ukuba ngeyaliphi ibandla lezombusazwe, anduba kukhulunywe ngodaba lwesisekelo seMDC – T, sona okuphikisanwa ngaso ngalesi sikhathi.

Okumele kwenziwe u Mateta ethi yikuzinikela kwalenkokheli, ukulungisisa lokho okwenzakalayo. Ulandisa ngengozi engaba khona nxa udubo lodlakela oluqondiswe kwenye yenkokheli nxa kukhangelwa ikusasa lebandla.

Omunye wezakhamizi wemangweni we Goromonzi, umnumzana Masimba Manyanya uthi sona isisekelo sebandla asichachi ekulungisiseni loludubo. Inkinga ethi sibuthakathaka ekuqedeni ukulwisana nxa kuthe kwaba khona.

Umqondisi wenhlanganiso ye #This Constitution, unkosazana Abigail Mupambi uthi okwenzakala ku MDC, akumangalisi kodwa kuyethusa ngoba sewusabalele elizweni umkhuba wokungahloniphi isisekelo kungaba ngeselizwe loba esebandla.

Kodwa umqondisi wenhlanganiso eye Christian Voice International – Zimbabwe ( CVI – Z ), umfundisi Tapfumaneyi Clement Zenda, ukhuthaza inkokheli ukuba zicabange ngabantu kuqala anduba zibangisane izikhundla njengalokho okwenzakala ku MDC - T.

Abantu abanengi abakhulumisane lalomsakazo abangathandanga ukuthatshywa amazwi bathi osekusenzakala ku MDC – T, ngumkhuba abavele bawuvumela kusukela eminyakeni yakuqala yokubunjwa kwaleli bandla ngabo 2005 lapho okwaxexebuka icele elikhokhelwa nguMnu. Welshman Ncube kutshaywa inengi labaphuma laye abanjengoNkosikazi Priscillar Misiharambgwi Mushonga laboNkosikazi Trudy Stevenson. Khathesi soluqondiswe kumsekeli womkhokheli webandla uNkosazana Thokozani Khuphe labamsekelayo lalobanje leli bandla lisithi liaykulungisisa lokhu kodwa kukhanya kusehlula ukufuthelana lokhu kuqhubekela phambili.

please wait

No media source currently available

0:00 0:06:17 0:00

Facebook Forum

XS
SM
MD
LG