amalinks wokungena

Breaking News

UChamisa Usola Amapholisa leZanu PF Ngokuphazamisa Imihlangano Yakhe eMatabeleland North


Nelson Chamisa Bindura Rally Zimbabwe elections
Nelson Chamisa Bindura Rally Zimbabwe elections

Umkhokheli webandla leMDC Alliance uMnu Nelson Chamisa usesole kakhulu ukuphanjaniswa kwemihlangano yakhe, khona athi kwenziwa ngabasekeli beZanu PF lamapholisa esigabeni seMatabeleland North.

UChamisa usungule imihlangano yokukhankasela ukhetho oluzayo kulumango ngoLwesithathu eVova Business Center, eNkayi.

Uthi uhlaselwe ngabasekeli beZanu PF kulindawo bencedisana lamapholisa ngokujikela abasekeli bakhe intuthu ehitshayo, i-tear gas.

Usuke lapho wethekelele endaweni ezifana leTsholotsho kanye laseBinga lapho abekhangelelwe khona ukugqiba uhambo lwakhe enyakatho yeMatabeleland ngoMgqibelo.

Ekhuluma leStudio 7, uChamisa uthe kungelani lodlakela ahlangana lalo, olufana lalolo olumehlele njalo eManicaland, eMasvingo laseMashonaland kumalanga asanda kwedlula, uzaqhubeka ngemihlangano yakhe.

Uthe uzulu ahlangana laye uthi usediniwe ngombuso webandla leZanu PF; ngakho uthi abantu bafuna utshintsho.

Amazwi kaChamisa agcizelelwe ngumgcisinihlalo weMDC Alliance eMatabeleland North, uMnu Prince Dubeko Sibanda.

please wait

No media source currently available

0:00 0:02:11 0:00

Obona ngokwethulwa kwemibiko kuZanu PF, uMnu Tafazwa Mugwadi ubengabambeki ecingweni, kodwa useke wakulandula ukuthi yibo abavimba imihlangano kaChamisa.

XS
SM
MD
LG