amalinks wokungena

Breaking News

Chinamasa: Kuqhakathekile Ukulondoloza Imithetho Ephathelane Lezenotho


Umpathintambo wezemali umnumzana Patrick Chinamasa

Umphathinambo wezemali umnumzana Patrrick Chinamasa uthi ukulondolozwa kwemithetho ekhuthaza umbuso uqobo, ohlonipha ilungelo loluntu kwezamabhizimusi kanye lezombusazwe, kuqhakathekile emizameni yokuhuga osomabhizimusi ukuzasungula amabhizimusi abo kwele Zimbabwe.

UChinamasa utsho lokhu ngesikhathi ehlangana lequla lakwele Germany elize kwele Zimbabwe ukuzangena umhlangano okhokhelwa yingcwethi ezivelele kulelo lizwe, ebona ngezemithetho ephezu kombuso uqobo olandela isisekelo sombuso.

Umqondisi wenhlanganiso ye Sub-Saharan Africa and Sahel, German Federal Foreign Office uAmbassador Georg Schmidt uqonqosele phezu kokuqakatheka kwemithetho ecaciceleyo phezu kombuso olondoloza amalungelo alabo abafisa ukuzasungula amabhizimusi eZimbabwe, ngoba ethi yikho okumqoka kulabo abafisa ukuzasungula amabhizimusi.

Umnumzana Masimba Kuchera yingcwethi ecubungula ezenotho. UKuchera uthi uhulumende akala ngenye indlela ngaphandle kokukulandela lokho okutshiwo yilabo abafuna ukuzasungula amabhizimusi abo kuleli kukhangelwa imithetho okufana lowokunikeza amandla lesilinganiso esikhulu samashare amankampani kwabensundu.

Wengeza uKuchera ethi lokhu akutsho ukuba inkokheli yeZanu PF isenza lokhu ngoba isiguqukile kundlela esebenzelana ngayo labakwamanye amazwe kodwa ngoba isiphelelwe.

UChinamasa uthi kumele kuxoxisanwe phezu kweziphathelene lezokubuyiselwa kwezikwelede kunhlanganiso ezibalisa eye International Monetary Fund - IMF, World Bank kanye lezathathwa emazweni atholisa usizo lwemali ngaphansi kwenhlanganiso ye Paris Club abalisa lona ele Germany.

Wathi kuqakathekile njalo ukuba zivuselelwe ingxoxo lamazwe anjenge Germany phezu kwendaba zokusebenzelana, kubuyelwe kusimo esasikhona iZimbabwe ingakabekelwa izijeziso zenotho ngomnyaka ka 2002.

Ele Germany libikwa kulilizwe ebelitholisa usizo lwezikwelede zemali enengi emazweni akulenhlanganiso yeParis Club, ingakabi khona ingxabano phakathi kwalo.

Ukuze sihlaziye ukuthi eleZimbabwe lizimisele na ukuthi liguqule umumo wezombusazwe ngendlela yokuhuga osomabhizimusi bakwamanye amazwe, sixoxe loNkosazana Dorcas Sibanda omela iBulawayo Central edale lephalamende, engowebandla le MDC-T, njalo elilunga lekhomithi ebona ngezemali eyeParliamentary Portfolio on Budget and Finance. UNkosazana Sibanda ubexoxa endawonye loMnu. Morris Ngwenya, ingcwethi ecubungula ezombusazwe njalo elilunga leZANU PF.

please wait

No media source currently available

0:00 0:03:19 0:00
Lapho esitholakala khona

XS
SM
MD
LG