amalinks wokungena

Breaking News

UChivhayo Uveza Inkohlakalo Ekuphiweni Kwamakontilaha


UMnu Wicknell Chivhayo loNkosikazi Grace Mugabe
UMnu Wicknell Chivhayo loNkosikazi Grace Mugabe

Inkohlakalo ebhahileyo ekuphaneni imisebenzi ngokwazana kuhulumende ivezwe sobala edale lephalamende ngoMvulo ngusomabhizimusi odume ngokuzibonakalisa uMnu Wicknell Chivhayo.

UChivhayo ubebizwe yikomidi yedale ebona ngezamandla kagetsi ukuthi azechasisa ukuthi inkampani yakhe yeIntratek yayithola njani ikontilaha yokwakha isititshi se-solar eGwanda.

Inkampani le yayiwuncitshiwe lumsebenzi ekuqaleni.

Kodwa uMnu Chivhayo uthi wayakhulumisana lowayengumphathintambo wezamagetsi uMnu Dzikamai Mavhaire lezinye izicukuthwane ezigoqela umabhalane ehofisini kaMongameli uMnu Misheck Sibanda.

Kulapho ke ugatsha lukahulumende olubona ngokunikezwa kwamakontilaha olweState Procurement Board olusuke lwapha khona inkampani kaChivhayo lumsebenzi.

Ebuzwa ukuthi ulobudlelwano lemuli kaMnu Robert Mugabe yini nanku phela ubehlala ezibonakalisa enkundleni zobulembu ephuma emifanekisweni elemuli kaMugabe ngesikhathi esabusa, uChivhayo uthe akalabo ubudlelwano labakoMugabe.

Ukulandule njalo ukuthi ikontilaha yeGwanda Solar Project wayithola ngenxa yobudlelwano bakhe labakoMugabe.

Kodwa okusobala yikuthi wayithola ngemva kokungenela kwabezombusazwe abagoqela yena uMavhaire, mhlawumbe laye uMisheck Sibanda.

Umgcinisihlalo wekomidi yedale uMnu Themba Mliswa uveze ukuthi bazabiza iziphathamandla zeState Procurement Board, uMavhaire loSibanda ukuthi bazemiswa edale lebo bechasise ngaloludaba.

Iluga lalikomidi uMnu Anele Ndebele utshele iStudio 7 ukuthi okwenzakala kudaba lwenkampani kaChivhayo yibufakazi benkohlakalo esobala enzakalayo kuhulumende.

please wait

No media source currently available

0:00 0:02:05 0:00

Okunye okuvele edale yikuthi kulokudonselana okukhulu phakathi kukaChivhayo lezinye iziphathamandla zenkampani yeIntratek.

Lanxa uChivhayo esithi inkampani le ngeyakhe njalo ulesabelo se50 percent kuyo, amagqwetha eIntratek athi uMnu Chivhayo yisisebenzi nje kuphela esingukhandalimtshelokwaso.

XS
SM
MD
LG