Namhla kuhlelo lwethu Liphuma Lendaba sixoxa loMfundisi Anglistone Sibanda sihlaziya udaba lokuthi abantwana besikolo sebezafungiswa ukholo lwabo ngezombusazwe bengakaqali isikolo malanga wonke.
Umphathintambo wezikolo ze primary leze secondary, uMnu. Lazarus Dokora wazisa inyathelo leli kunsikwana ezisanda kwedlula esithi abantwana bazaqala ukufunga kunyanga ezilutshwana ezilandelayo.
Lesi sifungo sithi: "Nkululunkulu thixo, wena onguwe owazi ngelakusasa lethu. Ngiyazimisela ukuhlonipha iflag yethu. Ngiyafunga ngokwethembeka lokusebenza gadalala."
Lesi sifungo sesidale ukukhonona kwabanengi abagoqela inkokheli zamabandla ezokholo ababuthene koBulawayo liviki behlaziya loludaba. UMfundisi Sibanda ngomunye walabo abaphatheke ngaloludaba.
USibanda uthi: "Okwakuqala udaba lwe national pledge lolu thina njengabafundisi sihlale phansi koBulawayo sacubungula saphuma lezinqumo ezithile. Okwakuqala into leyi kayisiphathi ngoba kulezizatho ezimbalwa ezenza kungasiphathi."
Uthi okwakuqala yikuthi ipledge le ifana lomthandazo okuyikwephula imithetho yebhayibhili.
USibanda uthi isifungo lesi sifana lokukhonza abantu abafayo esithi lokhu kufana lengama yesizwe, inational anthem.
Wengezelele esithi sebekhweze loludaba kumagqwetha abo ukuze babone ukuthi loluhlelo lungamiswa njani.
