amalinks wokungena

Breaking News

Odokotela Abakhalele Umsebenzi Bahlangana Lohulumende Okwesibili


Isibhedlela seParirenyatwa

Odokotela ahlangene becubungula abakuthenjiswe nguhulumendengezikhalazo zabo, ngesikhathi uhulumende esithi uselungiselela ukudinga uncedo lwabe butho ukuthi belaphe abagulayo ezibhedlela.

Odokotela abasebenza ezibhedlela zikahulumende abaphakathi kokukhalala umsebenzi befuna ukwengezelelwa iholo ngoLwesithathu bahlangene becubungula abakuthenjiswe nguhulumende ngoLwesibili ngezikhalazo zabo, ngesikhathi uhulumende esithi uselungiselela ukudinga uncedo lwabe butho ukuthi belaphe abagulayo ezibhedlela.

Odokotela laba bahlangane lomphathintambo obona ngezempilakahle uDokotela David Parirenyatwa, umsekeli wakhe uMnu. Paul Chimedza, kanye lezinye iziphathamandla zikahulumende ngoLwesibili, njalo bathi bazahlangana labo njalo kusasa ukuqhubeka ngenkulumo zokunanzwa kwezikhalazo zabo.

Odokotela laba bathi abasoze becace ngokuthi uhulumende ubathembiseni inkulumo lezi zingakaphutshi.

Kodwa bona bathi bafuna uhulumende ebengezelele iholo lisukela kumadola angamakhulu amabili lamatshumi ayisitshiyangalombili lambili -282 dollars isiya kumadola ayinkulungwane elamakhulu amabili amadola-1200 dollars ngenyanga.

Ezinye izikhalazo zabodokotela zigoqela ukuthi basungulelwe isikhwama sokubaphathisa bengathelelwa imikhuhlane yizigulane-eye risk allowance, njalo bengezelelwe ama allowances abawathola ngomzuzu owodwa.

Okunye abakukhalazayo yikuthi benelise ukuthenga imota kwamanye amazwe bengabhadali umthelo, njalo behliselwe imali abayibhadala ezindlini zikahulumende abahlala kuzo.

Okunengi ngaloludaba, kanye lokwenzakala ezibhedlela, asikuzweni kungxoxo esiyiqhube lomunye wabodokotela abakhalele umsebenzi, uMnu. Asibongenisonke Muloyiswa, yena otshele uSithandekile Mhlanga weStudio 7 ukuthi kufanele izivumelwano zonke zilotshwe phansi bengakazamukeli.

Ingxoxo Lodokotela Masibongenisonke Muloyiswa
please wait

No media source currently available

0:00 0:02:03 0:00
Lapho esitholakala khona

XS
SM
MD
LG