amalinks wokungena

Breaking News

Udaba Lokulotshwa Kutsha Komhloliso Wesingisi Lusiwa Emthethwandaba


Abaloba umhloliso we English Paper 2 kuzamele babale njalo ingwalo.

Omunye umzali olomntwana obbhale umhloliso wesilungu kuzifundo ze O level ele English Paper 2, osekuthiwa abhale kutsha lumhloliso ngemva kobufakazi bokuthi zikhona izifundi ezenelisa ukubona lumhloliso phambilini kwakubhalwa usemangalele uhulumende emthethwandaba esithi akukho umthethweni ukuphindiswa umhloliso

UMnu. Victor Mukomeka ulengane yakhe esimele iphinde lumhloliso. Ufuna loludaba lungene emthethwandaba ngokuphazima kweso ngoba umntwana wakhe kumele aphinde umhloliso kuviki ezayo.

Umphathintambo wezemfundo ye Primary le Secondary, uMnu. Paul Mavima, wazise ukuthathwa kwenyathelo leli nguhulumende kuyonale iviki wathi bonke abantwana ababhala isikhiwa ngomnyaka ophelileyo kufuze babuyele lapho ababhalela khona beyephinda lumhloliso ngeviki ezayo, mhlaka 15 Nhlolanja.

Okudanise abazali kakhulu yikuthi sokusele amaviki amalutshwane ukuthi izikolo zilunguselele ukuthi ithemu ye A level iqalise.

UMnu. Thembelani Ncube uthi osekuhlupha yikuthi sokufunakala imali enengi kakhulu, ikakhulu kulabo abalabantwana kade befunda ema Boarding.

Lokhu kugcizelelwe ngu Mnu. Leopold Munhende ophinde wathi okwenzwe yiZIMSEC kutshengisela ukuthi zinengi izinto ezenzakalayo kungxenye yeZIMSEC ebona ngalamaphepha okungaziwa nguzulu.

Omunye umzali, uMnu. Mduduzi Donga uthi iZIMSEC bekuyabangcono ngabe iyehlise imiklomelo yabantwana kulokuphindisa bonke njengoba lokhu sokuhlukumeza abazali.

Abanye abazali abakhulume lentathelizindaba yeStudio 7 bathi imali yiyo engekhoyo kodwa bebengemukela ukuhambisa uhulumende edale ngoba ubefuze akwenze ngomnayaka ophelileyo esenanzelele ubuqili lobu.

Facebook Forum

XS
SM
MD
LG