amalinks wokungena

Udaba Lokusilela Kwamanzi eGwanda Solungene ePhalamende

  • Ntungamili Nkomo

Ukusilela kwamanzi eGwanda sokwenze izakhamizi zabhalela edale lephalamende zikhalaza ngokuthi lisuse umsebenzi wokutholisa uzulu amanzi ezandleni zeZINWA liwufakwe ezandleni zekhansili.

Enye yenhlanganiso ezizimeleyo eGwanda, iCommunity Youth Development Trust (CYDT), isebenzelana lezakhamizi, ifikise ugwalo lwezikhalazo edale lephalamende ngoLwesithathu.

Umabhalane wogatsha olubona ngokusebenza kwamakhansili uMnu. George Mlilo laye uthi nxa ikhansili yeGwanda isenelisa ukutholisa idolobho amanzi aneleyo, kumele ibe yiyo eqhuba lumsebenzi, hatshi iZINWA.

Umsakazo weZBC uthi uMlilo ukhulume amazwe la emhlanganweni awenze leziphathamandla zikamanisipala weGwanda ngoLwesihlanu.

Isikhulumeli seCommunity Youth Development Trust, uNkosazana Linda Mpofu, ukuthi uzulu weGwanda sethwele amagabha avuzayo ngokusilela kwamanzi ngenxa yokwehluleka kweZINWA ukuqhuba kuhle umsebenzi.

"Esikufunayo thini njengezakhamizi zeGwanda yikuthi umsebenzi wamanzi ubuyiselwe ezandleni zekhansili. IZINWA iyehluleka yikho nje sihlala singela manzi," kutsho uMaMpofu.

Facebook Forum

XS
SM
MD
LG