amalinks wokungena

Udaba Luka Grace Mugabe Olokubhaxabula Untombazana Lungena Emthethwandaba

  • Chris Gande

Unkosikazi Grace Mugabe

Untombazana wakwele South Africa othi watshaywa nguNkosikazi Grace Mugabe ubesemthethwandaba eSouth Africa ngoLwesibili ecela ukuba uNkosikazi Mugabe athoniswe.

UMugabe wasuswa kumaphepha omthethwandaba ngemva kokuba uhulumende wele South Africa wesula icala leli phansi komthetho wobudlelwano bamazwe, idiplomatic immunity.

UMugabe uthi untombazana lo, uGabriella Angels, wayefuna ukumgwaza ngengqamu yena wazivikela.

Njalo uyalandula ukuthi nguye owamxathula isiphongo esithi luntombazana wayevele elwe labanye etshwaleni.

Obemele uNkosikazi Mugabe nguAdvocate Simba Chitando. UChitando, owesigodlo sommeli weZimbabwe kwele South Africa, uthi inhlanganiso emela uAngels iAfriforum ayilandelanga umthetho.

Ingcwethi ecubungula ezombusazwe, uMnu. Zenzo Nkomo, utshele iStudio 7 ukuthi loludaba alusaqakathekiswa kakhulu kwele South Africa ngoba lwathathwa ngabamhlophe.

"Kodwa amathuba okuthi kuphumelele ngokomthetho angathi afiphele," kutsho uNkomo.

Facebook Forum

XS
SM
MD
LG