amalinks wokungena

Udaba Lwamaphepha abeZimbabwe Abase South Africa Alukapheli

  • Chris Gande

UMnu. Malusi Gigaba

Inhlanganiso ezilwela amalungelo ezizalwane zeZimbabwe ezihlala eSouth Africa zilandule imbiko ethi uhulumende weSouth Africa usethethe inyathelo phezu kodaba lwamaphepha okuhlala lokusebenza kulelolizwe okusemthethweni.

Amaphephandaba ambalwa agoqela ele The Herald athi umphathintambo wendaba zekhaya kwele South Africa, uMnu. Malusi Gigaba, usethethe inyathelo lokuba izizalwane zeZimbabwe ezikwele South Africa kumele zisuke amaphepha azo engafika emaphethelweni ekupheleni komnyaka.

Kulezizalwane zeZimbabwe eziyinkulungwane ezingamakhulu amabili, 200 000, ezaphiwa amaphepha la akhangelelwe ukuphela umsebenzi ngenyanga kaLwezi kuwonalo umnyaka.

Imizamo yokukhuluma loGigaba phezu kwaloludaba yehlule. Ubulembu bogatsha lwezenzakala elizweni le South Africa alulambiko owethulwe ngamaphephandaba.

Sixoxe lomgcinisihlalo wenhlanganiso ye Zimbabwean Community in South Africa, uMnu. Ngqabutho Nicholas Mabhena, laye othi imbiko le ikhanya iyize.

"Esikwaziyo yikuthi ngeviki ezayo kubizwe umhlangano wenhlanganiso zabe Zimbabwe abase South Africa ukuthi bazoxoxisana lomphathintambo uGigaba yikho esicabangela ukuthi mhlawumbe uzakhuluma ngodaba lwamaphepha la," kutsho uMabhena.

Facebook Forum

XS
SM
MD
LG