amalinks wokungena

Breaking News

Uhulumende Ulubhekisa EMatabeleland Ukuyahlolisisa Ngezemfundo


Umbalisi

Umsekeli kamphathintambo wezemfundo uthi uzakhokhela iqula elizayadingisisa ngodaba lwababalisi abangenelisi ukukhuluma ulimi lwesiNdebele ezigabeni zeMatabeleland.

Umsekeli kamphathintambo wezemfundo usikhwicamfundo Paul Mavhima uthi kuyonale iviki uzakhokhela iqula elizadingisisa ngodaba lokuthi kulababalisi abanengi abangenelisi ukukhuluma ulimi lwesiNdebele ezigabeni zeMatabeleland, ababikwa kuyibo ababangela ukuthi abantwana, ikakhulu abaqhuba imfundo ephansi bengaphumeleli ezifundweni zabo.

Ababalisi, abezombusazwe, abalwela ilungelo luluntu, kanye labantu makhaza sebekhulume ngazwi linye ngaloludaba, njalo bagcizelela ukuthi ilizwe linanze indimi zonke ezikhulunywa elizweni ngokusemthethweni.

Kubikwa kulezikolo eMatabeleland South esezifundisa ulimi lwesiShona kuphela ngoba kungelababalisi abangafundisa isiNdebele. Izikolo lezi zigoqela iMthwakazi, Mpalawani, Gwamanyanga, Mpopoti, le Zhabazha Primary Schools.

UMnu. Andrew Langa, omela i-Insiza North edale lephalamende ugcizelele lesisehlakalo kodwa wathi indawo lezi ziseduzane leMberengwa lapho okuvelwe kukhulunywa ulimi lwesiShona njalo lolimi lwesiNdebele lalo luyafundiswa.

Isisekelo sombuso esitsha selizwe sithi kufanele ilizwe linanze indimi zonke ezikhulunywa elizweni ngokusemthethweni, hatshi isiShona lesiNdebele kuphela.

Ukuze sihlaziye loludaba, uSithandekile Mhlanga weStudio 7 uxoxe loMnu. Rejoice Ngwenya, yena ogcizelela ukuthi ukwakha amakolitshi akuncedi njalo kumele abafundela umsebenzi wokuba ngababalisi beqeqetshe ukufundela indimi ezimbalwa.

please wait

No media source currently available

0:00 0:02:30 0:00
Lapho esitholakala khona

XS
SM
MD
LG