amalinks wokungena

Breaking News

Udingani eG20 uMugabe? Kubuza iMDC-T


Umongameli Robert Mugabe emhlanganweni weG20

Ibandla leMDC-T selisole uMongameli Mugabe ngokuya emhlanganweni wamazwe athuthukileyo kweleTurkey lisithi udlalisa imali ngoba eleZimbabwe lingayisilo lunga lalinhlanganiso.

Lelibandla lithi njalo akulaluthi iZimbabwe elakho ukuluthola emhlanganweni weG20 lo, wona ohlanganisa amazwe agoqela iMelika, iBhilithani, Brazil, France, Italy leSouth Africa, eyiyo yodwa ilizwe leAfrica elililunga lalinhlanganiso.

Uhulumende weZanu PF uthi uMugabe unxuswe nguhulumende weTurkey kanye labanye abakhokheli bamazwe asathuthukayo agoqela eleSenegal.

Kodwa iMDC-T lozulu jikelele bathi uMongameli Mugabe kumele atshiyane lokutshona ebhoda ngamazwe omhlaba, alungisise inkinga eleZimbabwe elibhekane lazo.

"Kuyasimangalisa ukuthi uMugabe lomkakhe badingani emhlanganweni weG20 yona iZimbabwe ingayisilo lunga lalinhlanganiso," kutsho iMDC-T embikweni ewethule ngoMvulo.

Iingcwethi kwezombusazwe uDr Nkululeko Sibanda uvumelane lebandla leli esithi akula lutho uMugabe azaluthola emhlanganweni lo.

please wait

No media source currently available

0:00 0:02:01 0:00
Lapho esitholakala khona
XS
SM
MD
LG