amalinks wokungena

Breaking News

Ukhetho Oluzakwenziwa Ngomnyaka Ozayo Lungaphazamiswa Ludlakela Na?


Ukubala amavoti

Ucwaningo olwethulwe yinhlanganiso ye Afrobarometer oluthi izizalwane zeZimbabwe ezifika kusilinganiso sokungamatshumi amahlanu lambili, 52 percent, zithi sezihlalela evalweni zisesaba ukwehlalwa ludlakela lwezombusazwe, soluveze ukungahlaliseki kwezizalwane zeZimbabwe.

Loluphenyo luthi abantu abahlala emadolobheni kanye labesifazana yibo abalokwesaba okukhulu ukwedlula abesilisa kanye lozulu ohlala emaphandleni.

Umongameli webandla leMDC-T, uMnu. Morgan Tsvangirai, wacina ephuma kukhetho lwe ‘run-off’ ngomnyaka ka2008 esithi kulodlakela olukhulu olwaluzakwenza impumela yokhetho ingabaluleki.

Inhlanganiso le ifumane njalo ukuthi abantu abafika phose amatshumi ayisitshiyangalombili ekhulwini afuna ukhetho luqhutshwe ngendlela ecacileyo njalo ezasuthisa umuntu wonke kungela kwethuselwa kumbe udlame.

Kuzahamba njani ngomnyaka ozayo? Ukuhlaziya loludaba sixoxe lenthathelizindaba, uMnu. Mxolisi Ncube, endawonye lomsekeli wesikhulumeli sebandala leMDC-T, uNkosazana Thabitha Khumalo.

"Ngumbono omuhle sibili ngoba ukhetho eZimbabwe vele luyazakala ukuthi lugcwele ukutshaywa kwabantu, ukubulawa kwabantu ... Sikhuluma kunje iZanu PF isiqalisile ukuhamba itshisa imizi yabantu, itshaya abantu," kutsho uMaKhumalo.

UNcube uvumelane laye wagcizelela esithi kulabantu abanengi, ikakhulu intsha, abathi ukuya ekhethweni yikuzidlalisela isikhathi.

Kutsho uNcube: "Abantu basuka badalangale ikakhulu nxa sikhangela okwenzakala ngomnyaka ka 2008 lapho ibandla elihlala libusa kusukela ngomnyaka ka 2008 kuze kuthathe inyanga yonke ukuthi impumela yokhetho yaziswe uzulu."

please wait

No media source currently available

0:00 0:05:00 0:00

Facebook Forum

XS
SM
MD
LG