Umongameli Cyril Ramaphosa weSouth Africa ngoLwesihlanu uthe udlakela oluqhamuke kulelolizwe kulandela ukubotshwa kowayengumongameli walelolizwe uMnu. Jacob Zuma alubangelwanga yikuqoqana kwabantu bomhlobo othile ngoba kungelabufakazi obukhomba lokho.
Umongameli Ramaphosa wayethe kulomhlobo wabantu owadala loludlakela, okwasolwa ngabanengi besithi kusobala ukuthi utsho amaZulu, abikwa esekela uMnu. Zuma ongumhlobo munye.
Ukhulume lamazwi ebhodabhoda esigabeni se KwaZulu Natal kulelolizwe ehlolisisa umonakalo emavinkilini, ngesikhathi abanye bethanyela kulezi indawo, njalo lezehlakalo zodlakela ezabangela ukufa lokubotshwa kwabanye sezehlile.
Ukuhlaziya loludaba, sixoxe loMnu. Vusumuzi Sibanda, umgcinisihlalo wenhlanganiso elwela amalungelo ezizalwane zeAfrica ezihlala eSouth Africa eyeAfrica Diaspora Forum.
