Obengumfundisi omkhulu weRoman Catholic, uFather Emmanuel Ribeiro, uzangcwatshwa namuhla ekuseni emalibeni amaqhawe elizwe eNational Heroes Acre eHarare.
Uhulumende uphe uRibeiro linhlonipho kulandela ukutshona kwakhe ngeviki ephelileyo.
AbeRoma bebefuna ayebekwa eChishawasha lapho okungcwatshelwa khona abakhokheli balisonto abasebenzela eHarare.
Kodwa uMongameli Emmerson Mnangagwa ucele ukuthi bavumele uhulumende ambeke eHeroes Acre ngenxa yemisebenzi yakhe yokuphathisa ekulweleni inkululeko yelizwe ngendlela ezitshiyeneyo.
Abemuli yakhe kanye labesonto yeRoma bahlangene ngoMgqibelo basebevumelana ukuthi uFather Ribeiro abekwe lamaqhawe, okuyinta ehlukanise amalunga alinkonzo ngemibono.
Omunye osonta iRoma uMnu Kudzai Samaita uthi lanxa ebengakhangelelanga ukuthi umfundisi wabo abekwe eHeroes Acre, ayisikho okwakuqala ukuthi lokhu kwenzeke.
