amalinks wokungena

Breaking News

Ufuna Ukuphakamisa Abasakhulayo Emdlalweni Wenguqu uMwaruwari


Benjani Mwaruwari

Owayengukaputeni weqembu labesilisa elimela ilizwe emdlalweni wenguqu uBenjani Mwaruwari uthi iligi yabasakhulayo aseyiqalile izathuthukisa kabanzi umdlalo wenguqu kwele Zimbabwe.

Ekhuluma ngesikhathi evakatshele eHighlanders Sports Club lapho obekulomcimbi wokubonga inkokheli yomdlalo wenguqu elodumo uNdumiso Gumede, uMwaruwari uthe kudala kwakulemidlalo yabasakhulayo eyayidlalelwa ezakhiweni zikamasipala wedolobho lako Bulawayo ezibizwa kuthiwa kuse club, ezitholakala phose kuwo wonke amalokitshi, njalo yiyo acabange ukuyiphendukisa.

“Ngikhule ngidlala kuligi yemidlalo yomphakathi, engasadlalwayo khathesi, njalo ngikubone kukuhle ukuba ngiyiphendukise leyo ligi.

Lokhu ngikwenzela abantwana loba kungasibo bodwa abazaphathiseka kodwa mina ngifuna ukuba kube khona inhlelo ezokuthuthukisa umdlalo ngoba yizo ezingenze ngabakhona,” kutsho uMwaruwari.

Iligi ye Benjani Mwaruwari Community Youth League yethulwe kuzulu okusemthethweni ngeviki eyedluleyo edolobheni lako Bulawayo lapho uMwaruwari ahle wathatha ithuba lokutshengisa uzulu iqembu le Magwegwe City Football Club.

Iqembu le Magwegwe City yilo elibe ngelakuqala ukubhalisa kuligi ye Benjani Mwaruwari Community League njalo kukhangelelwe ukuba amanye amalokitshi lawo abumbe amaqembu azakuba yingxenye yeligi.

UMwaruwari uthi ufuna ukuqeda umkhuba wokukhangela abadlali asebevele sebevuthiwe obhahileyo kwele Zimbabwe.

“Kwelakithi kuqakathekiswa abadlali abavele sebeqeqetshiwe singananzeleli ukuba nxa singavela sehluleke ukuba lolonga kuhle besasebancane siyabe sesiyilahlile.

Iligi leyi izakuba lamaqembu angafika alitshumi lesithupha kumbe alitshumi lathoba minwe mbili njalo sifuna ukufundisa konke inkokheli, abonompembe kanye labadlali,” kutsho uMwaruwari.

UMwaruwari uthi isifiso sakhe ngesokuthi ngokuhamba kwesikhathi iligi yakhe icine isitholakala kumagumbi amane awelizwe lase Zimbabwe njalo labadlali kanye lenkokheli bathole amathuba awokuphuma bake bayekwamanye amazwe.

Inhlanganiso ezisekela uhlelo lolu ngezibalisa eye Adachi, eyase Australia yona ephathise ngamadola aseMelika azinkulungwane ezingamatshumi amahlanu, eye Nyaradzo kanye leye Mukuru

Ezemidlalo siziphiwa nguJoseph Njanji
please wait

No media source currently available

0:00 0:02:15 0:00

Facebook Forum

XS
SM
MD
LG